សៀមរាប៖ សារព័ត៌មានអេឡិចត្រូនិកថ្មីៗ (Thmeythmey.com), Cambodianess.com និងមជ្ឈមណ្ឌលសិល្បៈ Blue Art Center នៅទីក្រុងសៀមរាប នឹងរៀបចំវគ្គបណ្តុះបណ្តាលស្តីពីបច្ចេកទេសសំណេរ និងបច្ចេកទេសផលិតវីដេអូតាមទូរសព្ទដៃ។
តើហេតុអ្វីចាំបាច់រៀនជំនាញសំណេរ? រៀនថត និងកាត់តវីដេអូតាមទូរសព្ទដៃ? តាមពិតទៅ ដើម្បីឲ្យសារដែលផ្ញើចេញទៅកាន់មហាជនមានឥទ្ធិពល និងមានប្រសិទ្ធិភាពលើអារម្មណ៍នៃអ្នកទទួលសារ គុណភាពនៃសំណេរ, គុណភាពនៃរូបភាព និងបរិបទ (ពេលវេលា) គឺជារឿងសំខាន់ និងចាំបាច់បំផុត។
នៅក្នុងវគ្គបណ្តុះបណ្តាលនេះ សិក្ខាកាមនឹងទទួលបានចំណេះដឹង និងចំណេះធ្វើមួយចំនួនដូចតទៅសម្រាប់ស្ថាប័នឯកជន, រដ្ឋ, អង្គការក្រៅរដ្ឋាភិបាល និងជាពិសេស សម្រាប់អ្នទទួលបន្ទុកខ្លឹមសារនៅលើបណ្តាញសង្គម។ ចំណេះដឹងទាំងនោះជារួមមាន៖
ទី១)-បង្កើតខ្លឹមសារ
ទី២)-ចេះជ្រើសរើសមុំ(មុម)ដើម្បីសរសេរ និងថតជាវីដេអូ
ទី៣)-ចេះរបៀបសរសេរអត្ថបទខ្លីៗ និងច្រើនទម្រង់
ទី៤)-ចេះថត និងកាត់តវីដេអូតាមទូរសព្ទដៃ
ទី៥)-ចេះគ្រប់គ្រង និងយល់ដឹងពីឥទ្ធិពលនៃសារដែលបានផ្ញើចេញទៅកាន់មហាជន
ទី៦)-ក្រមសីលធម៌នៃការបញ្ជូនសារ
វគ្គសិក្សានេះមានរយៈពេល២ថ្ងៃ គឺថ្ងៃទី៩ និង១០ធ្នូ២០២២នៅមជ្ឈមណ្ឌលសិល្បៈ នៅទីក្រុងសៀមរាប, ខេត្តសៀមរាប។ គ្រូបណ្តុះបណ្តាលមានជនជាតិបរទេស និងជនជាតិខ្មែរ ដែលមានបទពិសោធន៍ក្នុងវិស័យសំណេរជាច្រើនទសវត្សរ៍។
បញ្ជាក់៖ តម្លៃសិក្សា១៥០ដុល្លារសម្រាប់អ្នកចូលរួមម្នាក់ (ផ្តល់អាហារជូន)។
ទីតាំង៖ Blue Art Center ក្រុងសៀមរាប
លេខទំនាក់ទំនងកញ្ញា ដាណេ តាម Telegram៖ ០៩៦ ២៤៦ ៦៣០៤