កងកម្លាំងមួកខៀវកម្ពុជា បានរងគ្រោះដោយសារផ្ទុះមីននៅប្រទេសម៉ាលី កាលពីថ្ងៃទី២១ ខែវិច្ឆិកា ឆ្នាំ២០២២ អំឡុងពេលទៅបំពេញបេសកកម្មបោសសម្អាតមីន។ បើតាមលោកស្រី កុសល មាលីនដា អគ្គនាយករងមជ្ឈមណ្ឌលជាតិរក្សាសន្តិភាព យោធិនទាំង៣នាក់ដែលរងគ្រោះនោះ មានឈ្មោះ ម៉ី គឹមថុង ជាបុគ្គលិកពេទ្យ, ពេញ រស្មី ជាតៃកុងទ្បាន និង លោក ម៉ែន ថារ៉ា ជាបុគ្គលិកស្រាវជ្រាវរុករក។  
 

លោកស្រី បានបញ្ជាក់ថាប្រាប់សារព័ត៌មានថ្មីៗនារសៀលថ្ងៃទី១ធ្នូនេះ ថា បច្ចុប្បន្ន យោធិនទាំង៣រូបនេះ បានចេញពីមន្ទីរពេទ្យ ក្រោយស្ថានភាពរបួសមានភាពប្រសើរឡើងច្រើន៕