ជ័យជម្នះដ៏ត្រជៈត្រចងដែលអង់គ្លេសរកបានលើក្រុមតោកំណាចទ្វីបអាហ្រ្វិក សេណេហ្កាល់ទាំង ៣គ្រាប់កើតឡើងដោយការសហការគ្នាយ៉ាងល្អនិងការយល់ចិត្តគ្នាក្នុងការប្រកួតពីសំណាក់កីឡាករអង់គ្លេស។ គ្រាប់ដំបូងកើតឡើងសម្រាប់អង់គ្លេសនៅនាទីចុងវគ្គទីមួយដោយ Jordan Henderson នៅនាទី៣៩ គ្រាប់ទីពីរកើតឡើងដោយ Harry Kane ហៀបនឹងបញ្ចប់វគ្គទីមួយនាទី៤៥+៣ និងគ្រាប់ទីបីកើតឡើងក្នុងវគ្គទីពីរ ដោយ Bukayo Saka សម្រេចទីបានយ៉ាងល្អនៅនាទី៥៧ ដែលជាការបញ្ជូនដ៏ល្អពី Phil Foden។ 
 

លទ្ធផល ៣-០ តាំងពីនាទី៥៧ បានបន្តអូសបន្លាយរហូតដល់ចប់ការប្រកួតបើទោះបីអង់គ្លេសព្យាយាមសម្រុកដាក់សម្ពាធខ្លាំងលើសេណេហ្កាល់ក្តី។ 
 

អង់គ្លេសក្រុមចំណាត់ថ្នាក់លេខ៤ នៅព្រឹត្តិការណ៍ World Cup 2018 ប្រទេសរុស្ស៊ី មកដល់ឆ្នាំ ២០២២ នៃការប្រកួតក្នុងប្រទេសកាតានេះ ពួកគេហាក់បីបង្ហាញទម្រង់លេងជាមួយទំនក់ចិត្តបានយ៉ាងល្អក្នុងការប្រកួតវគ្គជម្រុះ ១៦ក្រុមទល់សេណេហ្កាល់។ 
 

អង់គ្លេសបង្ហាញវត្តមាននៅ World Cup ចំនួន ១៦លើក ហើយក្នុងឆ្នាំ ២០២២ ឈានជើងទៅដល់វគ្គ ៨ក្រុមចុងក្រោយលើកទី ១១ ប្រចាំប្រវត្តិសាស្រ្ត ក្នុងនាមជាក្រុមជើងឯក ១សម័យកាល។ អង់គ្លេសនឹងត្រូវជួបបារាំងនៅវគ្គ ៨ក្រុមចុងក្រោយនៃព្រឹត្តិការណ៍ World Cup 2022៕