អ្នកគាំទ្រឈ្មោះ Ferri ដែលរត់ចូលទីលាននោះ បានពាក់អាវពណ៍ខៀវដោយផ្សារភ្ជាប់ជាមួយសារ ជួយសង្គ្រោះអ៊ុយក្រែន«Save  Ukraine» នៅផ្ទៃខាងមុខអាវ និងពាក្យគោរពសម្រាប់ស្ត្រីអ៊ីរ៉ង់ «Respect For Iranian Women» នៅពីក្រោយអាវ។ ភ្លាមៗនោះរូបគេ ក៏ត្រូវបានអាជ្ញាធរកាតាចាប់ឃាត់ខ្លួន។ 
 

ប្រទេសកាតាដែលធ្វើជាម្ចាស់ផ្ទះ World Cup 2022 តែងរងការរិះគន់អំពីបញ្ហារិតដ្បិតសិទ្ធិសេរីភាពសម្រាប់មនុស្សដែលស្រលាញ់ភេទដូចគ្នា ព្រមទាំងសិទ្ធិស្រ្តីផ្សេងៗ។

តាមរយៈប្រព័ន្ធសន្ទនាវីដេអូ Zoom ពីផ្ទះរបស់ Ferri នៅប្រទេសអ៊ីតាលីទៅកាន់ទីភ្នាក់ងារសារព័ត៌មាន Reuters លោក Ferri ដែលមានឈ្មោះហៅក្រៅថា Falco រៀបរាប់ថាខ្លួនគ្មានបញ្ហាអ្វីឡើយក្នុងប្រទេសកាតា ដោយត្រូវបានលោក Infantino ជួយឱ្យមានសេរីភាពឡើងវិញ។ 
 

«Gianni Infantino មានភាពឆ្លាតវ័យខ្លាំងណាស់ ហើយគាត់បានជួយខ្ញុំមានសេរីភាព ដោយគ្មានបញ្ហាអ្វីឡើយក្នុងប្រទេសកាតា។»។ លោក Mario Ferri បន្ថែមដូច្នេះ។

បុរសវ័យ ៣៥ឆ្នាំក៏បាននិយាយអំពីរឿងរ៉ាវក្រោយត្រូវបានចាប់ខ្លួនថា៖«មន្រ្តីប៉ូលិសនៅកាតាគឺពិតជាល្អ  រួសរាយ ពួកគេបានផ្តល់ទឹក កាហ្វេដល់ខ្ញុំ ហើយក្រោយ ១ម៉ោងកន្លះលោក Infantino បានបង្ហាញខ្លួនមកជួយខ្ញុំ»។
 

លើកពីនេះទៅទៀតលោក Mario Ferri  ក៏បានអះអាងបន្ថែមថា ប្រធាន FIFA បានចំណាំមុខគេព្រោះរូបគេបានប្រព្រឹត្តិទង្វើររត់ចូលទីលាននេះសរុប ១១លើកមកហើយ គិតទាំងលើកនេះ ដោយចាប់តាំងពីឆ្នាំ ២០១០ និង ២០១៤ ក្នុងព្រឹត្តិការណ៍ World Cup៕