សេចក្តីប្រកាសព័ត៌មាន ដែលចេញដោយអ្នកនាំពាក្យគណៈកម្មការជាតិដើម្បីទប់ស្កាត់បទល្មើសធនធានធម្មជាតិ កាលពីថ្ងៃទី២ ខែធ្នូ  បានឲ្យដឹងថា សមត្ថកិច្ច ចាប់បានរថយន្តសាំយ៉ុងទាំង២គ្រឿងនេះ នៅស្រុកស្ទឹងត្រង់ ខេត្តកំពង់ចាម កាលពីដើមខែវិច្ឆិកា ឆ្នាំ២០២២។ អ្នកនាំពាក្យប្រកាសប្រាប់សាធារណជនក្នុងសេចក្តីប្រកាសព័ត៌មានថា រថយន្តទាំង២គ្រឿងនេះ ត្រូវដុតកម្ទេចចោល។ 

 

ជាមួយគ្នា អ្នកនាំពាក្យ អះអាងថា គណៈកម្មការជាតិដើម្បីទប់ស្កាត់បទល្មើសធនធានធម្មជាតិ រាល់មធ្យោបាយ ដែលដឹកឈើដោយគ្មានលិខិតអនុញ្ញាតតាមច្បាប់ នឹងត្រូវបំផ្លាញចោល ដើម្បីលុបបំបាត់ឧក្រិដ្ឋព្រៃឈើ ហើយដើម្បីរក្សាព្រៃឈើឲ្យនៅគង់វង្ស។

 

សូមបញ្ជាក់ថា កន្លងមក គណៈកម្មការជាតិដើម្បីទប់ស្កាត់បទល្មើសធនធានធម្មជាតិ ធ្លាប់ព្រមានរួចមកហើយ ពីការកម្ទេចចោលគ្រប់មធ្យោបាយ បើសមត្ថកិច្ចចាប់បាន ហើយរកឃើញថា រាល់មធ្យោបាយទាំងនោះ ត្រូវបានប្រើប្រាស់ក្នុងការដឹកឈើដោយខុសច្បាប់៕