ក្នុងប្រវត្តិព្រឹត្តិការណ៍ World Cup មានតែឆ្នាំ២០០២ដែលកូរ៉េ-ជប៉ុនធ្វើម្ចាស់ផ្ទះប៉ុណ្តោះ ដែលក្រុមអាស៊ីបានបន្តដល់វគ្គល្អជាងគេ។ កាលនោះ កូរ៉េខាងត្បូងឡើងដល់វគ្គ៤ក្រុមចុងក្រោយ។

យ៉ាងណាក៏ដោយ ក្នុងក្រសែភ្នែក និងអារម្មណ៍អ្នកគាំទ្រជុំវិញពិភពលោក ក្រុមនៅអាស៊ីជាក្រុមខ្សោយជាងគេ និងមិនរំពឹងឈានដល់វគ្គឆ្ងាយៗឡើយ។ ប៉ុន្តែមិនដូចអ្វីដែលពួកគេគិតឡើយ ក្រុមអាស៊ីដូចជាកូរ៉េខាងត្បូង ជប៉ុន ដែលបង្ហាញខ្លួនញឹកញាប់នៅ World Cup តែងតែបង្ហាញភាពអស្ចារ្យ ជាងក្រុមពីទ្វីផ្សេងមួយចំនួនផង បើទោះមិនសូវមានកីឡាករលេងនៅក្លិបល្បីៗលើលោកក៏ដោយ។
 

ខាង​ក្រោម​នេះ​ យើងនឹងបង្ហាញកីឡាករ​អាស៊ី​ទាំង ១០ ដែល​បាន​បង្ហាញ​ខ្លួន​ក្នុងការប្រកួតច្រើន​ជាង​គេ​នៅ World Cup៖
 

១- Myung-bo Hong អតីតប្រធានក្រុមជម្រើសជាតិកូរ៉េខាងត្បូង បង្ហាញខ្លួន១៦ប្រកួត

២- Yoto Nagatamo ខ្សែការពារជម្រើសជាតិជប៉ុន បង្ហាញខ្លួនបាន១៥ប្រកួត

៣- Park Ji-Sung អតីតប្រធានក្រុមកូរ៉េខាងត្បូង បង្ហាញខ្លួនបាន១៤ប្រកួត

៤- Young-Pyo Lee អតីតខ្សែការពារកូរ៉េខាងត្បូង បង្ហាញខ្លួនបាន១២ប្រកួត

៥- Makoto Hasebe អតីតខ្សែការពារជប៉ុន បង្ហាញខ្លួនបាន ១១ប្រកួត

៦- Eiji Kawashima អ្នកចាំទីជប៉ុន បង្ហាញខ្លួនបាន ១១ប្រកួត

៧- Nam-Il Kim អតីតខ្សែបម្រើកូរ៉េខាងត្បូង បង្ហាញខ្លួនបាន១១ប្រកួត

៨- Woon-Jae-Lee អតីតអ្នកចាំទីកូរ៉េខាងត្បូង បង្ហាញខ្លួនបាន ១១ប្រកួត

៩- Maya Yoshida ខ្សែការពារ និងប្រធានក្រុមជប៉ុន បង្ហាញខ្លួនបាន១១ប្រកួត

១០- Jung-hwan Ahn អតីតខ្សែប្រយុទ្ធកូរ៉េខាងត្បូង បង្ហាញខ្លួនបាន១០ប្រកួត៕