កីឡាករកម្ពុជាទាំង ២៤រូប រួមជាមួយប្រតិភូ គ្រូបង្វឹក និងមន្ដ្រីបច្ចេកទេស បានចេញដំណើរទៅប្រទេសឥណ្ឌូណេស៊ីហើយនៅព្រឹកថ្ងៃទី២១ ខែធ្នូនេះ ដោយត្រូវចែកចេញជាពីក្រុម។ ក្រុមទី១ ត្រូវធ្វើដមណើរទៅប្រទេសថៃ រួចប្ដូជើងយន្ដហោះ ដើម្បីបន្ដទៅប្រទេសជាម្ចាស់ផ្ទះ រីឯ មួយក្រុមទៀត ត្រូវធ្វើដំណើរ ទៅប្រទេសម៉ាឡេស៊ី រួចបន្ដទៅឥណ្ឌូណេស៊ី។
  

មុនប៉ះឥណ្ឌូណេស៊ី នាជំនួបជើងទី២ ពូល A នៅកីឡដ្ឋាន Gelora Bung Karno ក្នុងក្រុងហ្សាការតា កម្ពុជា បានយកឈ្នះ ហ្វីលីពីនរួចហើយនៅប្រកួតបើកឆាកពូល A ក្នុងលទ្ធផល ៣-២ ថ្ងៃទី២០ ខែធ្នូ។ 
 

ក្នុងពូល A នេះ ថៃឈរកំពូលតារាងបណ្តោះអាសន្ន ក្រោយពួកគេយកឈ្នះព្រុយណេ ៥-០ ឯកម្ពុជាស្ថិតនៅចំណាត់ថ្នាក់ទី២ ដ្បិតមានសំណល់គ្រាប់បាល់តិចជាងថៃ។ 

សម្រាប់ក្រុមគោព្រៃកម្ពុជា បន្ទាប់ពីជួបឥណ្ឌូណេស៊ី នៅថ្ងៃទី២៣ ខែធ្នូរួច នឹងត្រូវទទួលភ្ញៀវព្រុយណេនៅថ្ងៃទី២៩ ខែធ្នូ នៅពហុកីឡដ្ឋានជាតិមរតកតេជោ មុនទៅជួបម្ចាស់ជើងឯកថៃសម្រាប់ជំនួបចុងក្រោយនៅ៤ថ្ងៃបន្ទាប់៕