បន្ថែមពីលើសម្ពាធការទូត សេដ្ឋកិច្ច តៃវ៉ាន់ជាងពីរឆ្នាំមកនេះរងការបំពានពីកងកម្លាំងអាកាសចិនជាញឹកញាប់ ពិសេសបេសកកម្មឈ្លានពានតំបន់ការពារដែនអាកាសនៅភាគអាគ្នេយ៍របស់កោះមួយនេះ។

 

បើតាមរបាយការណ៍របស់ក្រសួងការពារជាតិតៃវ៉ាន់ដែលលម្អិតពីសកម្មភាពចិនបំពានតំបន់ការពារដែនអាកាសខ្លួន២៤ម៉ោងចុងក្រោយ ការឈ្លានពានរបស់ចិននៅថ្ងៃទី២២​ ខែធ្នូ រួមមានយន្តហោះចម្បាំង២១គ្រឿង និងយន្តហោះទម្លាក់គ្រាប់បែក៤គ្រឿង ក៏ដូចជាយន្តហោះចាក់ប្រេងលើអាកាស និងយន្តហោះប្រឆាំងនាវាមុជទឹក។ 

 

ជាការឆ្លើយតបនឹងសកម្មភាពដ៏គឃ្លើននេះ តៃវ៉ាន់បានដាក់ប្រព័ន្ធការពារមីស៊ីលដើម្បីត្រួតពិនិត្យយន្តហោះចម្បាំងខ្លួនដែលបញ្ជូនទៅព្រមានកងកម្លាំងអាកាសចិនផងដែរ។

 

តាមក្រសួងការពារជាតិតៃវ៉ាន់ យន្តហោះចិនជាច្រើនហោះឆ្លងកាត់លើផ្លូវទឹក Bashi ទៅតំបន់មួយក្បែរឆ្នេរសមុទ្រភាគអាគ្នេយ៍របស់កោះតៃវ៉ាន់។ បន្ថែមពីនេះ នាវាទ័ពជើងទឹកចិនបីគ្រឿងក៏ត្រូវបានចាប់សញ្ញាឃើញនៅក្បែរកោះដែរ៕