តាមសំណើរបស់សម្តេច ស ខេង ឧបនាយករដ្ឋមន្រ្តី-រដ្ឋមន្រ្តីក្រសួងមហាផ្ទៃ សម្តេចនាយករដ្ឋមន្រ្តី ហ៊ុន សែន បានចេញអនុក្រឹត្យ នៅថ្ងៃទី៣១ ខែធ្នូ ឆ្នាំ២០២៣នេះ ដើម្បីបញ្ចប់តំណែងលោក ភូ លិ ពីអភិបាលរងខេត្តកែប។

 

លោក ភូ លិ អស់តំណែង ក្រោយមានព័ត៌មានចុះផ្សាយយ៉ាងព្រោងព្រាតរយៈពេល២ថ្ងៃជាប់គ្នា គឺថ្ងៃទី២៩ និងថ្ងៃទី៣០ ខែធ្នូ ឆ្នាំ២០២២ ថា លោក ស្រវឹង ហើយបានយកកែវស្រា ទៅវាយស្រ្តីម្នាក់ត្រង់ម្តុំត្របកភ្នែកឲ្យបែកជាង១០ថ្នេរ។ ព័ត៌មាន ផ្សាយទៀតថា លោក ថែមទាំងព្យាយាមបៀតបៀនលើស្រ្តីដទៃថែមទៀត។ លោក ប្រព្រឹត្តអំពើនេះ ពេលទៅចូលរួមពិធីជប់លៀងឡើងតំណែងប្រធានថ្មីនៃមន្ទីរបរិស្ថានខេត្តកែប៕