គណបក្សភ្លើងទៀន បានសម្រេចទទួលយកលោក សុក ហាច អតីតទីប្រឹក្សាធនាគារពិភពលោក និងទីប្រឹក្សាក្រសួងសេដ្ឋកិច្ច និងហិរញ្ញវត្ថុ ឱ្យចូលរួមជីវភាពនយោបាយជាមួយគណបក្ស។

 

តាមរយៈលិខិតចុះថ្ងៃទី២ មករា គណបក្សភ្លើងទៀន បានសម្រេចតែងតាំងលោក សុក ហាច ដែលជាស្ថាបនិកវិទ្យាសេដ្ឋកិច្ចកម្ពុជា ទៅជាទីប្រឹក្សាជាន់ខ្ពស់ក្នុងបក្ស ដោយទទួលបន្ទុកផ្នែកសេដ្ឋកិច្ច។ ការសម្រេចតែងតាំងនេះ ធ្វើឡើងក្រោមការត្រួតពិនិត្យ និងសម្រេចរបស់កិច្ចប្រជុំគណៈកម្មាធិការអចិន្ត្រៃយ៍បក្ស ដែលដឹកនាំឱ្យ ទាវ វណ្ណុល ប្រធានបក្ស។