ការវាយតម្លៃសុវត្ថិភាព និងគុណភាពសេវាកម្មកាណូតទេសចរណ៍កម្ពុជា ផ្អែកលើការវិនិច្ឆ័យចំនួន៣៤ និងលក្ខខណ្ឌតម្រូវចំនួន១៩។ ក្នុងនោះក៏មាន ការផ្តោតលើសូចនាករពីបរិស្ថាន  ការតុបតែងខាងក្នុង សុវត្ថិភាព សម្ភារប្រើប្រាស់ បុគ្គលិក និងការបម្រើសេវាកម្មទេសចរណ៍ជាដើម។
 

ក្រសួងទេសចរណ៍ កំពុងទទួលពាក្យស្នើសុំពីម្ចាស់អាជីវកម្មកាណូតទេសចរណ៍ ដោយបន្តចុះត្រួតពិនិត្យសុវត្ថិភាព គុណភាពសេវាកម្ម មុនឈានដល់ការចេញវិញ្ញាបនបត្របញ្ជាក់គុណភាពសេវាកម្ម។ ទ​ន្ទឹមនឹងនោះក៏មានក្រុមហ៊ុនចំនួន៣ ដែលទទួលបានទទួលស្គាល់ពីក្រសួងទេសចរណ៍ រួមមាន ក្រុមហ៊ុន ជី ធី​ វី ស៊ី ស្ពីដកម្ពុជា - G.T.V.C Speed Cambodia (ខេត្តព្រះសីហនុ), ក្រុមហ៊ុន ប៊ូ វ៉ាស៊ី កម្ពុជា - BUVA Sea Cambodia (ខេត្តព្រះសីហនុ) និងក្រុមហ៊ុន អាយលែន ស្ពីដហ្វីរី ខេមបូឌា - Island Speed Ferry Cambodia  (ខេត្តព្រះសីហនុ)ផងដែរ។
 

សូមជម្រាបថា ក្រសួងទេសចរណ៍ បន្តលើកទឹកចិត្តដល់ម្ចាស់អាជីវកម្មកាណូតទេសចរណ៍ ឱ្យមកដាក់ពាក្យស្នើសុំទទួលស្គាល់គុណភាពសេវាកម្ម ដោយឥតគិតថ្លៃ នៅទីស្តីការក្រសួងទេសចរណ៍ ឬតាមរយៈមន្ទីរទេសចរណ៍រាជធានី-ខេត្ត៕