ក្រុមបាល់ទាត់ Ziya Brand បន្ដឈ្នះប្រកួតទី២ ក្នុងពូល A ដោយប្រកួតជាមួយ ក្លិបសិក្សាភាសាបរទេសទទួលបានជោគជ័យក្នុងលទ្ធផល ១-៩ នៅទីលានបាល់ទាត់សាកលវិទ្យាល័យអាមេរិកាំងភ្នំពេញ វេលាម៉ោង ២:០០រសៀល។ រីឯ រាជសីហ៍ ខេត្តកំពតចាញ់២ប្រកួតជាប់គ្នា ដោយប្រកួតលើកទី២ ជាមួយ ស.ស.យ.ក. ស្រុកកៀនស្វាយ បរាជ័យក្នុងលទ្ធផល ៣-០ វេលាម៉ោង ៤:00ល្ងាចនៅទីលានបាល់ទាត់ដដែរនោះ។
 

ក្រុមបាល់ទាត់សម្ព័ន្ធយុវជនម៉ុស្លីមកម្ពុជា ឈរចំណាត់ថ្នាក់លេខ១​ បណ្ដោះអាសន្ន បន្ទាប់ពីឈ្នះ លើសាលាបាល់ទាត់ពស់កេងកងក្នុងលទ្ធផល ៧-១ នៅទីលានបាល់ទាត់វិទ្យាល័យបឹងត្របែក វេលាម៉ោង ៤:00ល្ងាច បន្ទាប់ពី ក្រុមបាល់ទាត់មិត្តចាស់ ទទួលបានជោគជ័យលើការប្រកួតជាមួយ ក្រុម Royal Bassac FC ក្នុងលទ្ធផល ៥-២ នាវេលាម៉ោង ២:០០ នៅទីលានបាល់ទាត់ដដែរ។
 

នៅទីលានបាល់ទាត់ AIOB វេលាម៉ោង ២:០០រសៀល ហនុមានអគ្គលេខាធិការរដ្ឋានក្រសួងការពារជាតិ បានយកឈ្នះលើ សម្ព័ន្ធសិស្ស-និស្សិតជំនីក ក្នុងលទ្ធផល៦-៣ ដែលនាំឲ្យមាន ៦ពិន្ទុក្នុងពូល។ ចំណែកស.ស.យ.ក ស្រុកពញាឮ បានឈ្នះលើកទី១ លើក្រុម Al Ahly FT ក្នុងលទ្ធ៤២ បន្ទាប់ពីចាញ់ប្រកួតដំបូងជាមួយ សម្ព័ន្ធសិស្ស-និស្សិតជំនីកកាលពីថ្ងៃទី៨ ខែមករា កន្លងទៅ។
 

ក្រុមបាល់ទាត់ដៃឯកច្រាំងចំរេះ រងការបរាជ័យជាលើកទី២ ក្នុងពូល D ដោយចាញ់ ក្រុមកីឡាបាល់ទាត់តំបន់សេដ្ឋកិច្ចពិសេស ក្នុងលទ្ធផល ៤-១ នៅទីលានបាល់ទាត់វិទ្យាល័យបឹងកេងកង នាវេលាម៉ោង ១:៤៥រសៀល។ ចំណែកឯ ស.ស.យ.ក. ខេត្តកោះកុង បន្ដឈ្នះ ២ប្រកួតជាប់គ្នា ដោយប្រកួតលើកទី២ ឈ្នះលើ ស.ស.យ.ក. ដំរីអង្គរ ក្នុងលទ្ធផល ៣:៤៥ រសៀល៕