លោក សុខ ស៊ីធីម មេប៉ុស្ដិ៍ឃុំព្រៃគុយ បានឱ្យដឹងថា​ ក្នុងអំឡុងចុងឆ្នាំ២០២២ អាជ្ញាធរ បានចាត់វិធានការចុះ អប់រំ ដល់ពលរដ្ឋដែលប្រព្រឹត្តល្បែងស៊ីសងក្នុងឃុំ ឱ្យឈប់បន្តសកម្មភាពទៀត។ ហើយសព្វថ្ងៃបញ្ហាល្បែងស៊ីសងទាំងតូចធំ ក្នុងឃុំស្ទើរតែគ្មានទៅហើយ។ 

 

លោក សុខ ស៊ីធីម  អះអាងដូច្នេះ៖ «យើងបានឱ្យពលរដ្ឋដែលជាមុខសញ្ញាលេងល្បែងធ្វើកិច្ចសន្យារួចអស់ហើយ។ យើងចុះទៅអប់រំ ហើយបើ ពួកគាត់នៅបន្តលេងទៀត យើងនឹងចុះបង្ក្រាប់»។ 

បើតាម លោក សុខស៊ីធីម ពេលកន្លងមក ក្នុងឃុំព្រៃគុយ មានករណីលួចលេងបៀរតូចតាចប៉ុណ្ណោះ។ តែក្រោយពីខាងប៉ុស្តិ៍ បានចុះអប់រំបញ្ហាទាំងនោះស្ទើរតែគ្មានទៀតទេ។ 

 

មេប៉ុស្ដិ៍រូបនេះ បានបន្ថែមថា មូលហេតុដែលការអនុវត្តវិធានការចុះអប់រំ នេះ មានប្រសិទ្ធភាព ព្រោះពលរដ្ឋក្នុងឃុំសហការជាមួយអាជ្ញាធរបានល្អ។ ជាមួយគ្នានេះ ពលរដ្ឋដែលធ្លាប់មានសកម្មភាពលែងល្បែងស៊ីសង ក៏បានស្ដាប់ការអប់រំរបស់អាជ្ញាធរផងដែរ។ 
 

អានអត្ថបទពាក់ព័ន្ធផ្សេងទៀត៖ យុវជនសកម្ម សេវាល្អ