មេប៉ុស្ដិ៍ឃុំព្រៃគុយ បានឱ្យ​ដឹងថា បញ្ហាគ្រឿងក្នុងឃុំ បានថយចុះ ដោយសារពលរដ្ឋមានការយល់ដឹងច្រើនជាងមុន តាមរយៈយន្តការផ្សព្វផ្សាយរបស់អាជ្ញាធរ។ លោក សុខ ស៊ីធីម អះអាងដូច្នេះ៖«បញ្ហាគ្រឿងញៀននៅក្នុងភូមិពីមុនវាច្រើន តែឥឡូវមានការថយចុះព្រោះយើងបានធ្វើការផ្សព្វផ្សាយ»។ 
 

បើតាមលោក សុខ ស៊ីធីម ទោះបីជាបញ្ហាគ្រឿងក្នុងឃុំ ថយចុះ ប៉ុន្តែអាជ្ញាធរមិនលែងដៃឡើយ ដោយខិតខំ​បង្រ្កាប់បទល្មើសគ្រឿងញៀនឱ្យកាន់តែល្អប្រសើរ។ ជាមួយគ្នានេះ លោកមេប៉ុស្តិ៍ឃុំព្រៃគុយ ក៏បានសំណូមពរ ដល់ពលរដ្ឋ និងអាណាព្យាបាល ដែលសង្ស័យកូន ឬសាច់ញាតិ ប្រើប្រាស់គ្រឿងញៀន ត្រូវរាយការណ៍ និងសហការជាមួយអាជ្ញាធរ។