មនុស្សប្រមាណ១៦នាក់ បានស្លាប់ក្នុងហេតុការណ៍ធ្លាក់ឧទ្ធម្ភាគចក្រនៅក្រៅសាលាមតេយ្យមួយកន្លែង នៅជាយក្រុងកៀវភាគខាងកើត។ អ្នកបាត់បង់ជីវិតនោះ មានរដ្ឋមន្រ្តីមហាផ្ទៃអ៊ុយក្រែន លោក Denys Monastyrsky, អនុរដ្ឋមន្រ្តីទីមួយ និងលេខាធិការរបស់លោក។ នេះបើតាមការចុះផ្សាយរបស់សារព័ត៌មាន BBC។ 

 

ទន្ទឹមនេះ ក្មេងចំនួន ២រូប ក៏បានបាត់បង់ជីវិតផងដែរ ខណៈក្មេងជាង ១០នាក់ផ្សេងទៀត កំពុងព្យាបាលនៅមន្ទីរពេទ្យ។ មនុស្សចំនួន ២២នាក់ ត្រូវបានបញ្ជូនទៅមន្ទីរពេទ្យ។

 

តាមការបញ្ជាក់របស់ប្រធានប៉ូលិសជាតិអ៊ុយក្រែន លោក Ihor Klymenko នៅលើបណ្តាញសង្គម Facebook ឧទ្ធម្ភាគចក្រនោះ ជាកម្មសិទ្ធិរបស់ទីភ្នាក់ងារស្ថានភាពអាសន្នជាតិអ៊ុយក្រែន៕