លោកនាយក ម៉ាត់ រ៉លី បានលើកឡើងថា សព្វថ្ងៃសាលាកំពង់កែស គ្មានសិស្សប្រើប្រាស់បារីអេឡិចត្រូនិកឡើយ ព្រោះពួកគេនៅកម្រិតបឋមសិក្សា។ តែយ៉ាងណានាយកសាលារូបនេះ នៅតែ មានវិធានការទប់ស្កាត់ជាប្រចាំ កុំឱ្យបញ្ហានេះកើតមានក្នុងសាលា។  
 

បើតាម លោកម៉ាត់ រ៉លី សាលាបានដាក់ផែនការទប់ស្កាត់ការប្រើប្រាស់បារីរបស់សិស្ស ដោយប្រជុំពិភាក្សាជាមួយនឹងលោកគ្រូអ្នកគ្រូឱ្យតាមដានឃ្លាំមើលសិស្ស។ លើសពីនេះ ពេលម៉ោងសម្រាក ខាងសាលាមិនអនុញ្ញាតឱ្យសិស្សចេញក្រៅបរិវេណសាលាឡើយ។  
 

«ដើម្បីជៀសវាង ពីការប្រព្រឹត្ត អ្វីមិនល្អ ជាពិសេសការប្រើប្រាស់បារីអេឡិចត្រូនិកជាដើម ខ្ញុំបាន ប្រជុំប្រចាំខែ ដោយលោកគ្រូអ្នកគ្រូតាមដានសិស្សណាដែលមានភាពមិនប្រក្រតីក្នុងថ្នាក់ និងលោកគ្រូអ្នកគ្រូ ត្រូវដាក់កិច្ចការផ្ទះលំហាត់ឱ្យសិស្សធ្វើជាប្រចាំ ដើម្បីកុំឱ្យសិស្សមានពេលទំនេរច្រើនពេក»។ នេះជាការអះអាង របស់ លោកម៉ាត់ រ៉លី។ 

លោក ម៉ាត់ រ៉លី បានបន្ថែមថា ក្រៅពីអប់រំដល់សិស្ស លោកក៏បានជួបប្រជុំជាមួយនឹងអាណាព្យាបាល និងក្នុងករណីមានសិស្សមិនប្រក្រតី ខាងសាលានឹងផ្ដល់ដំណឹងដល់អាណាព្យាបាលភ្លាម។ 
 

 

(អត្ថបទនេះ គឺជាស្នាដៃរបស់ក្រុមយុវជន និងត្រូវបានរៀបរៀងឡើង ក្រោមជំនួយហិរញ្ញវត្ថុរបស់សហភាពអឺរ៉ុប និងទីភ្នាក់ងារសហប្រតិបត្តិការអភិវឌ្ឍអន្តរជាតិស៊ុយអ៊ែត តាមរយៈអង្គការតម្លាភាពកម្ពុជា និងអង្គការអាក់សិនអេតកម្ពុជា។ រាល់ខ្លឹមសារនៅក្នុងអត្ថបទនេះ គឺជាការទទួលខុសត្រូវរបស់ស្មេរ ឬផលិតករ ហើយមិនឆ្លុះបញ្ចាំងអំពីទស្សនៈរបស់សហភាពអឺរ៉ុប និងទីភ្នាក់ងារសហប្រតិបត្តិការ អភិវឌ្ឍអន្តរជាតិស៊ុយអ៊ែតនោះទេ)