ក្រុមប្រឹក្សាកុមារ មានសមាជិកចំនួន ៩ នាក់ ដែលត្រូវបានជ្រើសរើសសិស្សពូកែ ពីថ្នាក់ទី 1 ដល់ ថ្នាក់ទី6។ ក្រុមប្រឹក្សាកុមារ មានតួនាទី ពិនិត្យមើលវិន័យក្នុងថ្នាក់នីមួយៗ និងបែងចែកការងារគ្នាធ្វើនៅតាមផ្នែកនីមួយៗ ដូចជាមានផ្នែក អនាម័យ កីឡា សម្ភារៈ សារព័ត៌មាន បណ្ណាល័យជាដើម។ 
 

កញ្ញា ហន ស្រីម៉ៅ បានលើកឡើងថា វត្តមានក្រុមប្រឹក្សាកុមារ  បានធ្វើឱ្យសាលារៀន មានរបៀបរៀបរយ មានអនាម័យល្អ និងមានវិន័យល្អ។ កញ្ញា ហន ស្រីម៉ៅ  បញ្ជាក់ដូច្នេះ៖ «បើនៅពេលមានហេតុការណ៍ ឬព្រឹត្តិការណ៍កើតឡើងភ្លាមៗក្រុមក្រុមប្រឹក្សាកុមារ ត្រូវរាយការទៅលោកគ្រូនាយកជាប្រញាប់ ដើម្បីឱ្យលោកគ្រូជួយដោះស្រាយ។ ជាពិសេសក្រុមប្រឹក្សាកុមារ មានមានតួនាទីឃ្លាំមើលរាល់សកម្មភាពរបស់លោកគ្រូអ្នកគ្រូ ពេលកំពុងបង្រៀន ថាតើលោកគ្រូលោកគ្រូ មានសកម្មភាព វិន័យ ពាក្យសម្ដី ខុសឆ្គងណាមួយ គឺពួកគាត់ត្រូវតែកត់ត្រាចំណុចទាំងនោះ ដើម្បីកែកំហុសពេលប្រជុំចុងខែម្តងៗ»។
  

បើតាម អ្នកគ្រូ ហន ស្រីម៉ៅ ចំពោះក្រុមប្រឹក្សាកុមារ ទទួលបានចំណេះដឹងបន្ថែមពីលោកគ្រូអ្នកគ្រូ ក៏ដូចជាបទពិសោធន៍ថ្មីៗដែលផ្លាស់ប្ដូរពីលោកគ្រូអ្នកគ្រូនិងក្រុមក្រុមប្រឹក្សាកុមារ ទៅវិញទៅមក ដែលធ្វើឲ្យក្រុមក្រុមប្រឹក្សាកុមារ មានភាព មានភាពក្លាហាន និងមានភាពជាអ្នកដឹកនាំ។
 

 កុមារី អាត ស្រីអេង ជាសិស្សថ្នាក់ទី ៥ ជាសមាជិកនៅក្នុងក្រុមក្រុមប្រឹក្សាកុមារ ដែលមានតួនាទីមើលការខុសត្រូវផ្នែកអនាម័យ បានប្រាប់ថា ខ្លួនសប្បាយចិត្ត ដែលបានជួយសាលាឱ្យមានអនាម័យ និងបរិស្ថានស្អាត ។ 
 

អានអត្ថបទពាក់ព័ន្ធផ្សេងទៀត៖ យុវជនសកម្មសេវាល្អ