អ្នកគ្រូ ហន ស្រី ម៉ៅ បានឱ្យដឹងថា ទោះបីសាលារៀនពុំទាន់មានបណ្ណាល័យ តែសាលា បានរៀបចំបន្ទប់ការិយាល័យ ដោយមានសៀវភៅជាង១០០ក្បាល សម្រាប់សិស្សអាន ពេលម៉ោងសម្រាក។ អ្នកគ្រូ ហន ស្រី ម៉ៅ បញ្ជាក់ថា៖  «បន្ទប់ហ្នឹងជាបន្ទប់ការិយាល័យរបស់ពួកខ្ញុំមានសម្ភារៈផ្សេងៗ និងដាក់សៀវភៅមួយចំនួនទាក់ទងជាមួយនឹងរឿងនិទានផ្សេងៗឬសៀវភៅសិក្សា»។
  

កុមារី ស្រី អេង ជាសិស្សថ្នាក់ទី ៦ នៃសាលាបឋមសិក្សានាពិសី បានឱ្យដឹងថា មួយសប្តាហ៍កុមារី រូបនេះ អានសៀវភៅក្នុងបន្ទប់ការិយាល័យ ម្ដងទៅពីរ ដង។ កុមារី ស្រី អេង យល់ថា ក្នុងបន្ទប់សៀវភៅ មានសៀវភៅតិច ពុំសូវសម្បូររឿងព្រេងនិទាន ដែលធ្វើឱ្យសិស្សមិនសូវចាប់អារម្មណ៍ចូលអានច្រើន ។ កុមារីរូបនេះ ចង់បានសៀវភៅក្នុងបន្ទប់អានបន្ថែមទៀត ដើម្បីងាយស្រួលអាន និងបង្កើនចំណេះ។ 
 

អានអត្ថបទពាក់ព័ន្ធផ្សេងទៀត៖ យុវជនសកម្មសេវាល្អ