កោះកុង៖ ពលរដ្ឋរស់នៅក្នុងឃុំជីខលើ ស្រុកស្រែអំបិល ខេត្តកោះកុង យល់ដឹងពីសារៈសំខាន់ នៃការធ្វើអត្តសញ្ញាណបណ្ណ។ ការយល់ដឹងពីសារៈសំខាន់ នៃការមានអត្តសញ្ញាណបណ្ណនេះ ត្រូវបានពលរដ្ឋក្នុងភូមិជីខលើ លើកឡើងថា បណ្ណមួយនេះ គឺត្រូវការប្រើប្រាស់ស្ទើរគ្រប់សកម្មភាពទាំងអស់ ក្នុងការរស់នៅប្រចាំថ្ងៃ របស់ពួកគេ។ ក្រៅពីយល់ដឹងពីសារៈសំខាន់នេះ ពលរដ្ឋក្នុងឃុំ លើកឡើងថា អាជ្ញាធរក៏តែងតែ ចុះផ្សព្វផ្សាយពីសារៈសំខាន់ និងជំរុញឱ្យពលរដ្ឋទៅធ្វើធ្វើអត្តសញ្ញាណបណ្ណនេះផងដែរ។