មេប៉ុស្តិ៍រង លោក កែវ ប៊ុនថៃ បានលើកឡើងថា ចុងឆ្នាំ២០២២ អាជ្ញាធរ បានចុះបង្រ្កាប និងបិទកន្លែងលែងល្បែង និងឆ្នោតជាច្រើនក្នុងឃុំ ។ លោក កែវ ប៊ុនថៃ រៀបរាប់ថា៖ «យើងចុះបង្ក្រាបជាពីរខែមកហើយ ប៉ុន្តែឥឡូវក្នុងភូមិមិនមានការលេងល្បែងទេ។ តែពីមុនមកមានការលេងល្បែងដូចជាឡូតូបៀអាប៉ោងជាដើម»។
 

បើតាមលោក កែវ ប៊ុនថៃ  កន្លងមកអាជ្ញាធរ បានចុះណែនាំចំពោះប្រជាពលរដ្ឋណាដែលមិនអនុវត្តតាមគោលការណ៍ និងលេងល្បែងស៊ីសង ហើយបច្ចុប្បន្នគ្មានសកម្មភាពល្បែងស៊ីសងក្នុងឃុំទៀតឡើយ។ 
 

ទោះជាសកម្មភាពល្បែងស៊ីសងគ្មានក្នុងឃុំក៏ដោយ  លោក កែវ ប៊ុនថៃ នៅតែបន្តសកម្មភាពអប់រំ និងឃ្លាំមើលបញ្ហានេះជាប្រចាំ មិនឱ្យកើតមានក្នុងឃុំឡើងវិញឡើយ។ ជាមួយគ្នានេះ មេប៉ុស្ដិ៍រងរូបនេះ សំណូមពរដល់ពលរដ្ឋ បើឃើញមានករណីលេងល្បែងស៊ីសង សូមជួយរាយការណ៍ទៅដល់សមត្ថកិច្ច។ 

 

អានអត្ថបទពាក់ព័ន្ធផ្សេងទៀត៖ យុវជនសកម្ម សេវាល្អ