អាជ្ញាធររៀបចំផ្លូវដើរក្នុងបរិវេណអង្គរវត្ត ដើម្បីគ្រប់គ្រងលំហូរដើរទស្សនារបស់ទេសចរ

ជាតិ

អាជ្ញាធររៀបចំផ្លូវដើរក្នុងបរិវេណអង្គរវត្ត ដើម្បីគ្រប់គ្រងលំហូរដើរទស្សនារបស់ទេសចរ

25, Jan 2023 , 9:29 am

រូបភាព

ផ្លូវដើរក្នុងបរិវេណអង្គរវត្ត ដែលអាជ្ញាធរជាតិអប្សរារៀបចំដើម្បីឲ្យភ្ញៀវដើរទស្សនាអង្គរវត្ត។ រូបដោយ កញ្ញា អ៊ូ សុខមាន

ដោយ: ឡាយ សុភាវតី

សៀមរាប៖ អាជ្ញាធរជាតិអប្សរា បានរៀបចំផ្លូវដើរនៅបរិវេណអង្គរវត្ត ដើម្បីគ្រប់គ្រងលំហូរផ្លូវដើររបស់អ្នកទេសចរ និងបញ្ចៀសការដើរទស្សនាខ្វាត់ខ្វែងគ្មានសណ្តាប់ធ្នាប់ ក្នុងបរិវេណអង្គរវត្ត។ លោក សេង សុធារ៉ា ប្រធាននាយកដ្ឋានអភិវឌ្ឍន៍ទេសចរណ៍ និងវប្បធម៌ នៃអាជ្ញាធរជាតិអប្សរា បានពន្យល់បន្ថែមទៀតថា ការសង់ផ្លូវដើរក្នុងបរិវេណអង្គរនេះ ក៏ដើម្បីការពារស្មៅ ថ្មប្រាសាទ និងរួមចំណែកលើកសោភ័ណភាពអង្គរវត្ត ឱ្យមានភាពបៃតងគ្រប់រដូវផងដែរ។ បើតាមលោក សេង សុធារ៉ា គម្រោងសង់ផ្លូវដើរក្នុងបរិវេណប្រាសាទអង្គរវត្តនេះ មានប្រវែងសរុប ១ ៣៧៦ម៉ែត្រ ដោយត្រូវសង់ជា៣ដំណាក់កាល។ ដំណាក់កាលទី១ មានប្រវែង៤៧៦ម៉ែត្រ។ ដំណាក់កាលទី២ប្រវែង ២៥០ម៉ែត្រ និងដំណាក់កាលទី៣ ប្រវែង៦៥០ម៉ែត្រ។

សូមអញ្ជើញលោក លោកស្រី អ្នកនាងកញ្ញា ទស្សនាកិច្ចសម្ភាសរវាង កញ្ញា ឡាយ សុភាវតី អ្នកសារព័ត៌មានឌីជីថលថ្មីៗ និងលោកសេង សុធារ៉ា ប្រធាននាយកដ្ឋានអភិវឌ្ឍន៍ទេសចរណ៍ និងវប្បធម៌ ដូចខាងក្រោម៖