លោក សុខ វឿន ប្រធាននាយកប្រតិបត្តិ អិលអូអិលស៊ី (ខេមបូឌា) ភីអិលស៊ី បានមានប្រសាសន៍ឱ្យដឹងថា “ដូចដែលអតិថិជន និងសាធារណជនបានជ្រាបរួចមកហើយអំពីភាពច្បាស់លាស់របស់អិលអូអិលស៊ី ក្នុងការធ្វើប្រតិបត្តិការអាជីវកម្ម ប្រកបដោយប្រសិទ្ធភាព តម្លាភាព និងអនុលោមតាមគោលការណ៍ណែនាំនានារបស់និយ័តករ ក៏ដូចជាអាជ្ញាធរពាក់ព័ន្ធគ្រប់ជាន់ថ្នាក់ ដើម្បីកិច្ចការពារអតិថិជន និងឆ្លើយតបទៅនឹងតម្រូវការរបស់អតិថិជនប្រកបដោយការទទួលខុសត្រូវខ្ពស់។ ជាលទ្ធផល អិលអូអិលស៊ីតែងតែសម្រេចបាននូវការទទួលស្គាល់ជាបន្តបន្ទាប់ លើភាពខ្លាំងរបស់យើងក្នុងការបំពេញប្រតិបត្តិការ និងបម្រើសេវាជូនអតិថិជន។ លោកបានបន្ថែមទៀតថា “ការធានាលើឥណទានពិតជាមានសារៈសំខាន់ណាស់ក្នុងការសម្រាលបន្ទុកដល់អតិថិជន ករណីមានហានិភ័យចៃដន្យណាមួយដែលអាចកើតមានឡើងទៅលើអតិថិជន ហើយអិលអូអិលស៊ីក៏នឹងបន្តផ្តោតការយកចិត្តទុកដាក់ក្នុងការផ្សព្វផ្សាយ និងផ្តល់ជូនអតិថិជននូវឥណទានដែលមានការធានា ដោយសាជីវកម្មធានាឥណទានកម្ពុជា ដើម្បីផ្តល់ឱកាសដល់អតិថិជនក្នុងការទទួលបានហិរញ្ញប្បទាន ដើម្បីស្តារ និងពង្រីកអាជីវកម្មរបស់ខ្លួន។”