ដោយ៖ ផល សម្ផស្ស(យុវជនសង្កាត់សំរោង)
 

 

លោក អឿន ពៀត បានបញ្ជាក់ថា៖ «ខ្ញុំ​ឱ្យសមត្ថកិច្ចចាំឃ្លាំមើល ក្មេងទំនើងក្មេងស្ទាវ កុំឱ្យស្ទាក់ធ្វើបាបសិស្សសាលា និងស្រ្តី ជាពិសេសពេលពួកគាត់ចេញពីរៀនយប់ព្រលប់និងធ្វើដំណើរពេលយប់ម្នាក់ឯង តាមផ្លូវស្ងាត់។»។

 

បើទោះបីជាបច្ចុប្បន្ន លោកមិនដែលទទួលបានសេចក្តីរាយការណ៍ពាក់ព័ន្ធនឹងករណីបៀតបៀនលើស្ត្រី និងកុមារមែន ប៉ុន្តែលោកបានស្នើឱ្យប្រជាពលរដ្ឋ ពិសេសស្ត្រី យុវតី បង្កើនការប្រុងប្រយ័ត្ន ចំពោះហានិភ័យដែលអាចកើតឡើងនៅពេលធ្វើដំណើរ ដូចជាគ្រោះថ្នាក់ចរាចរណ៍ ឬករណីចោរកម្មជាដើម។​​ ទន្ទឹមនឹងនេះ លោក អឿន ពៀត ស្វាគមន៍រាល់សំណូមពរ និងការស្នើសុំជំនួយពីកម្លាំងប៉ុស្តិ៍ ពាក់ព័ន្ធនឹងការបង្កើនសុវត្ថិភាពដល់ស្រី្ត និងកុមារជានិច្ច។

 

«ដំណើរពេលយប់ ឬពេលថ្ងៃ មិនអាចស្មានដឹងថា នឹងមានរឿងអ្វីកើតឡើងនោះទេ ដូច្នេះស្ត្រី និងកុមារ ដែលមានសម្ភារសំខាន់ៗដាក់ជាប់ខ្លួនដូចជា លុយ ខ្សែក ខែ្សដៃ មាស ពេជ្រ និងរបស់របរផ្សេងៗទៀត ត្រូវទុកដាក់ឱ្យបានត្រឹមត្រូវ កុំនាំគ្នាពាក់បង្ហាញតាមទីសារធាណៈ ព្រោះយើងមើលមិនដឹងថាចោរនៅជិត ឬឆ្ងាយឡើយ»។ លោក អឿន ពៀត បញ្ជាក់ដូច្នេះហើយបន្តថា ទោះបីបច្ចុប្បន្ន ប៉ុស្តិ៍នគរបាលសង្កាត់សំរោង មានកម្លាំងសមត្ថកិច្ចមិនទាន់គ្រប់គ្រាន់ក្ដី ប៉ុន្តែមេលោក អឿន ពៀត បានតាំងចិត្តខិតខំបម្រើសេវា និង​បង្កើនការធានាសុវត្ថិភាព​ជូនពលរដ្ឋតាមលទ្ធភាពដែលអាចធ្វើបាន៕

​

អានអត្ថបទពាក់ព័ន្ធផ្សេងទៀត៖ យុវជនសកម្ម សេវាល្អ