សម្ដេច ស ខេង ឧបនាយករដ្ឋមន្រ្តី-រដ្ឋមន្រ្តីក្រសួងមហាផ្ទៃ និងជាគណៈកម្មាធិការជាតិសុវត្ថិភាពចរាចរណ៍ផ្លូវគោក ដែលជាអធិបតីក្នុងពិធីនេះ មានប្រសាសន៍ថា ទិន្នន័យគ្រោះថ្នាក់ចរាចរណ៍ នៅតែមានហានិភ័យខ្ពស់ ជាងគ្រោះថ្នាក់សង្គមនានា។ សម្តេច បន្តថា គ្រោះថ្នាក់ចរាចរណ៍ បានសម្លាប់អាយុជីវិតប្រជាជនជារៀងរាល់ថ្ងៃ និងបន្សល់ទុកសោកនាដកម្មនានា ដូចជា របួស និងពិការភាព ជាដើម។ 

 

សម្ដេច កត់សម្គាល់ឃើញថា គ្រោះថ្នាក់ទាំងនេះ កើតឡើងដោយសារអ្នកបើកបរចំនួន មិនគោរពច្បាប់ ខ្វះសីលធម៌ និងខ្វះការយោគយល់គ្នា។ សម្ដេច ស្នើឲ្យថ្នាក់ដឹកនាំគ្រប់លំដាប់ថ្នាក់ បន្តអនុវត្តឲ្យបានសម្រេចនូវទិសដៅដែលបានដាក់ចេញ និងប្ដេជ្ញាចិត្តដោះស្រាយបញ្ហាប្រឈមនានា ដើម្បីទប់ស្កាត់គ្រោះថ្នាក់ចរារចរណ៍នៅកម្ពុជា៕