ការសម្រេចដាក់១៩វិញ្ញាសា ដើម្បីប្រកួតប្រជែងនៅស៊ីហ្គេម ឆ្នាំ២០២៣ ធ្វើឡើងក្រោយកិច្ចប្រជុំបច្ចេកទេសដំបូងរបស់សហព័ន្ធគុនខ្មែរអន្តរជាតិ​ នៅថ្ងៃទី២៦ ខែមករា។
 

ចំណោម១៩វិញ្ញាសា មាន១២វិញ្ញាសាសម្រាប់ផ្នែកបុរស និង៧វិញ្ញាសាសម្រាប់នារី។ អ្វីដែលពិសេសទាំងផ្នែកបុរសនិងនារី សុទ្ធតែមានវិញ្ញាសាសម្តែងសិល្បៈគុនខ្មែរ ឬហៅថាគុនគ្រូរៀងខ្លួន។
 

១២វិញ្ញាសាផ្នែកបុរសរួមមាន គុនគ្រូ ៤៥គីឡូក្រាម ៤៨គីឡូក្រាម ៥១គីឡូក្រាម ៥៣គីឡូក្រាម ៥៧គីឡូក្រាម ៦០គីឡូក្រាម ៦៣,៥គីឡូក្រាម ៦៧គីឡូក្រាម ៧១គីឡូក្រាម ៧៥គីឡូក្រាម និង៨១គីឡូក្រាម។
 

៧វិញ្ញាសាសម្រាប់នារីរូមមាន គុនគ្រូ ៤៥គីឡូក្រាម ៤៨គីឡូក្រាម ៥១គីឡូក្រាម ៥៣គីឡូក្រាម ៥៧គីឡូក្រាម និង៦០គីឡូក្រាម។

ការប្រកួតស៊ីហ្គេមលើកទី៣២ ឆ្នាំ២០២៣ ដែលកម្ពុជាទទួលសិទ្ធិរៀបចំលើកដំបូងក្នុងប្រវត្តិសាស្ត្រ នឹងចាប់ផ្តើមប្រកួតផ្លូវការពីថ្ងៃទី៥ ខែឧសភា រហូតដល់ថ្ងៃទី១៧ ខែឧសភា ឆ្នាំ២០២៣៕