អ្នកអត់មានជាប់ក្តីក្ដាំក្នុងតុលាការ មកៗ មកតាមចិត្តទៅ។ នេះជាការបញ្ជាក់របស់សម្ដេច ហ៊ុន សែន ដែលបានបន្ថែមថា មិនមានការចាប់ខ្លួន ពលរដ្ឋខ្មែររស់នៅក្រៅប្រទេសដែលធ្លាប់ជេរប្រមាថសម្តេច ឡើយ ។ 
 

ប៉ុន្តែសម្រាប់អ្នកដែលមានដីការចាប់ខ្លួនពីតុលាការ នឹងត្រូវអនុវត្តតាមច្បាប់ បើសិនជាពួកគេចូលស្រុក។ សម្ដេច សង្កត់ធ្ងន់បែបនេះ។
 

កន្លងមកសម្ដេច ហ៊ុន សែន ធ្លាប់ប្រកាសលើកលែងទោសដល់មន្ត្រីគណបក្សប្រឆាំង ដែលកំពុងគេចខ្លួន រស់នៅក្រៅប្រទេសដែរ បើសិនជាពួកគេព្រមផ្ដាច់ខ្លួន ចេញពីលោក សម រង្ស៊ី ប្រធានចលនាប្រឆាំងពីក្រៅស្រុក។