ភ្លាមៗក្រោយមានប្រធានាធិបតីថ្មី ឆែកកំពុងពង្រឹងទំនាក់ទំនងជាមួយកោះតៃវ៉ាន់ដែលចិនចាត់ទុកជាទឹកដីរបស់ខ្លួន។ ប្រធានាធិបតីជាប់ឆ្នោតថ្មីរបស់ឆែកលោក Petr Pavel បានជជែកតាមទូរស័ព្ទ​ជាមួយ​ប្រធានាធិបតីតៃវ៉ាន់លោកស្រី Tsai Ing-Wen កាលពីថ្ងៃទី៣០ ខែមករា ដោយសន្យាបន្ត​ចែក​រំលែក​តម្លៃរួមគ្នានៃសេរីភាព ប្រជាធិបតេយ្យ និងសិទ្ធិមនុស្ស។ 

 

ភ្លាមក្រោយជំនួ​បមេដឹកនាំភាគីទាំងពីរ ក្រុងប៉េកាំងបង្ហាញនមិនពេញចិត្តជាខ្លាំង ហើយសង្កត់ធ្ងន់ពីការ សន្យារបស់លោក Pavel ក្នុងការគាំទ្រគោលនយោបាយចិនតែមួយ។ 

 

«ខ្ញុំបានធានាចំពោះរដ្ឋមន្ត្រីថាការគាំទ្រជាប្រព័ន្ធរបស់ដៃគូដែលគោរពសិទ្ធិមនុស្សនិងគោលការណ៍ប្រជាធិបតេយ្យសេរី ជាអាទិភាពក្នុងចំណោមអាទិភាពនៃការទូតសភារបស់យើង»។ លោកស្រី Pekarova លើកឡើងបែបនេះក្នុងសេចក្ដីថ្លែងការណ៍មួយក្រោយ​ជជែកជាមួយរដ្ឋមន្ត្រី​ការបរទេស​តៃវ៉ាន់ Joseph Wu។ 

 

លោកស្រី Pekarova ក៏គ្រោងនឹងធ្វើដំណើរទៅកាន់កោះតៃវ៉ាន់ជាមួយគណៈប្រតិភូពាណិជ្ជករ និងតំណាងស្ថាប័នអប់រំ និងវិទ្យាសាស្ត្ររបស់ឆែកនៅខែមីនាផងដែរ។

 

កន្លងមក ប្រទេសភាគច្រើនជៀសវាងទំនាក់ទំនងដោយចំហ និងកម្រិតខ្ពស់ជាមួយតៃវ៉ាន់ ដោយ​មិន​ចង់មានរឿងជាមួយចិនដែលជាមហាអំណាចសេដ្ឋកិច្ចទីពីររបស់ពិភពលោក។ យ៉ាងណាមិញ​រដ្ឋាភិបាលឆែកដែលប្រកាន់ស្ដាំនិយមនេះ កំពុងធ្វើឱ្យកិច្ចសហប្រតិបត្តិការស៊ីជម្រៅជាមួយបណ្តា​ប្រទេសប្រជាធិបតេយ្យនៅក្នុងតំបន់ឥណ្ឌូ-ប៉ាស៊ីហ្វិក រួមទាំងតៃវ៉ាន់ផង ហើយកំពុងពិនិត្យឡើងវិញនៃ​ទំនាក់ទំនងជាមួយចិន៕