នៅផ្ទៃហោជាងនៃខ្លោងទ្វារនេះ មានសត្វស្វាធំៗចំនួនពីរ ដែលកំពុងវាយគ្នា និងនៅខាងក្រោយ មានស្វាពីរ កំពុងត្រូវរបួស និងមនុស្សពីរនាក់។ ស្វាបង ធ្វើសង្រ្គាមជាមួយក្របីមួយឈ្មោះ មហឹសារ (មៈហិង-សា) នៅក្នុងរូងភ្នំមួយ។ ស្ដេចស្វាបង បានផ្ដាំប្អូនឱ្យយកថ្មបិទរូងភ្នំ ប្រសិនបើឃើញឈាមហូរចេញមក ដែលមានន័យថា បងស្លាប់ហើយ។ ប៉ុន្តែបើសិនជាប្អូន ឃើញឈាមពណ៌ខ្មៅចេញមក មានន័យថា ក្របីនោះ បានស្លាប់ហើយ។ 

 

ចម្បាំងរវាងស្ដេចស្វា និងក្របីមហឹសា បានកើតឡើងដូចការគ្រោងទុក។ ស្ដេចស្វាបង បានសម្លាប់ក្របីមហឹសា ដែលទេវតា សាទរ។ ទេវតា បានអបអរសាទរ ដោយបាចផ្កា ស្របពេលមានភ្លៀងធ្លាក់។ ទឹកភ្លៀង បានហូរលាយឡំជាមួយផ្កា បង្កើតបានជាពណ៌ក្រហម។ ឈាមក្របីពណ៌ខ្មៅ បានប្រែក្លាយជាក្រហម និងហូរចេញតាមរូងភ្នំ។ 

 

ដោយបងបានផ្ដែផ្ដាំ ស្ដេចស្វាជាប្អូន បានយល់ថា បងរបស់ខ្លួនបានស្លាប់បាត់ទៅហើយ។ ស្ដេចស្វាប្អូន បានបិទរូងភ្នំនោះ ដែលជាហេតុនាំឱ្យបងខឹងសម្បា។ ចម្បាំងរវាងបងប្អូនទាំងពីរ បានកើតឡើងនាពេលនោះ៕