ក្រសួងការបរទេស និងសហប្រតិបត្តិការអន្តរជាតិ បានសេចក្តីប្រកាសព័ត៌មាន នៅថ្ងៃទី៨ កុម្ភៈថា ៖«កម្ពុជា មានក្តីរន្ធត់បន្ទាប់ពីទទួលបានព័ត៌មានសោកនាដកម្ម នៃការបាត់បង់ជីវិតប្រជាជនរាប់ពាន់នាក់ និងរងរបួសរាប់ម៉ឺននាក់ ព្រមទាំងការខូចខាតយ៉ាងដំណំ បង្កឡើងដោយគ្រោះរញ្ជួយដីកម្រិត៧, ៨ វិចទ័រ ដែលបានកើតឡើងនៅខេត្តភាគអាគ្នេយ៍នៃសាធារណរដ្ឋតួកគី»។
 

តាមរយៈការចូលរួមរំលែកទុក្ខនេះ រដ្ឋាភិបាលកម្ពុជា បានជាជំនួយមនុស្សធម៌ ដើម្បីជួយដល់កិច្ចខំប្រឹងប្រែងជួយសង្គ្រោះប្រជាពលរដ្ឋតួកគី។
 

តាមសេចក្តីរាយការណ៍ចុងក្រោយ អ្នកស្លាប់នៅតួកគី និងស៊ីរី បានកើនដល់លើស ៧៨០០នាក់ ដោយនៅតួកគីមានជិត៦ពាន់នាក់ និងស៊ីរីជិត ២ពាន់នាក់។ យ៉ាងណាមិញ ក្រុមអ្នកជួយសង្រ្គោះ នៅតែបារម្ភថា ទិន្នន័យនេះ នឹងបន្តកើនឡើងទៀត។