ស្រុកកំពង់ស្វាយ, កំពង់ធំ៖ ពលរដ្ឋរស់នៅក្នុងឃុំកំពង់ស្វាយស្រុកកំពង់ស្វាយ ខេត្តកំពង់ធំ បានសង្ហាញការសប្បាយចិត្តរបស់ពួកគេ នៅពេលដែលឃើញអាជ្ញាធរភូមិឃុំបានចុះល្បាតតាមភូមិគោលដៅនីមួយៗ ទាំងយប់ទាំងថ្ងៃ ដើម្បីធានាសុខសុវត្ថិភាពជូនពលរដ្ឋ។

 

អ្នកស្រី ប៉ែន សុខគីន ពលរដ្ឋរស់នៅភូមិចុងព្រៃ ឃុំកំពង់ស្វាយ ស្រុកកំពង់ស្វាយ ខេត្តកំពង់ធំ បានកោតសរសើរដល់កម្លាំងប៉ុស្ដិ៍កំពង់ស្វាយ ដែលបានចុះល្បាតតាមភូមិនីមួយៗ ជារៀងរាល់ថ្ងៃ។
 

បើតាមអ្នកស្រី ប៉ែន សុខគីន ការចុះល្បាតរបស់អាជ្ញាធរ ពិតជាបានចូលរួមចំណែកកាត់បន្ថយបញ្ហានានាដូចជាបទល្មើសគ្រឿង ការលេងល្បែងស៊ីសង និងកាត់បន្ថយករណីហិង្សាក្នុងគ្រួសារផងដែរ។

ក្រៅពីចុះល្បាត ពលរដ្ឋរូបនេះ ក៏បានបញ្ជាក់ដែរថាកន្លងមកអាជ្ញាធរប៉ុស្តិ៍បានចុះអប់រំ ណែនាំ និងបានបង្ក្រាបករណីលេងល្បែងស៊ីសងផងដែរ។ អ្នកស្រី ប៉ែន សុខគីន បានបញ្ជាក់ថា៖« ភូមិឃុំចុះបង្រ្កាបបានអ៊ឹចឹង ខ្ញុំសប្បាយចិត្តណាស់! អត់ភ័យខ្លាច និងអស់បារម្ភទៀត។ ល្បែងស៊ីសងប៉ះពាល់ដល់សង្គម និងគ្រួសារធ្វើឱ្យប្ដីប្រពន្ធឈ្លោះគា្ន ខាតពេលវេលា និងធ្វើឱ្យគ្រួសារគ្មានភាពរីកចម្រើននោះទេ»។

 

ចំណែកអ្នកស្រី អ៊ូ សុខខេម ពលរដ្ឋម្នាក់ទៀត រស់នៅភូមិចុងព្រៃ ឃុំកំពង់ស្វាយ​  ស្រុកកំពង់ស្វាយ ក៏ត្រេកអរដែរ នៅពេលដែលកម្លាំងសមត្ថកិច្ច ចុះល្បាត និងចុះបង្កា្របអ្នកជួញដូរគ្រឿងញៀន អ្នកលេងល្បែងស៊ីសង ព្រោះការលុបបំបាត់អំពើទាំងនេះ នឹងជួយឱ្យភូមិឃុំមានសុវត្ថិភាព។

​

អានអត្ថបទពាក់ព័ន្ធផ្សេងទៀត៖ យុវជនសកម្មសេវាល្អ