កូរ៉េខាងជើងបានសម្ញែងឥទ្ធិពលយោធាខ្លួនជាថ្មីទៀតនៅខួបលើកទី៧៥ ថ្ងៃកំណើតកងទ័ពប្រជាជនកូរ៉េ។ ក្រោមអធិបតីលោក គីម ជុងអ៊ុន យោធាកូរ៉េខាងជើងរាប់ពាន់នាក់ ដើរដង្ហែរក្បួននៅទីលានគីម អ៊ីលស៊ុង ក្នុងទីក្រុងព្យុងយ៉ាង។ ជារឿងគួរឱ្យកត់សម្គាល់ មេដឹកនាំកូរ៉េខាងជើង Kim Ju-ae បានបង្ហាញមុខជាថ្មីដែរ។
 

បើតាមការការរាយការណ៍របស់សារព័ត៌មាន NK មីស៊ីលអន្តរទ្វីប Hwasong-17 ដ៏ធំបំផុតក្នុងប្រទេសចំនួន១០ដើម បានបង្ហាញក្នុងក្បួន ក៏ដូចជាមីស៊ីលបាញ់រយៈចម្ងាយឆ្ងាយ១៦គ្រាប់ បូករួមទាំងរថយន្តដែលផ្ទុក ICBM ប្រើឥន្ធនៈរឹងផងដែរ។ 
 

កូរ៉េខាងជើងបានខិតខំអភិវឌ្ឍ ICBM ប្រើឥន្ធនៈរឹង ជាយូរមកហើយ ដែលវាអាចជួយធ្វើឱ្យគ្រាប់ពិបាកតាមចាប់ និងបំផ្លាញ។ ប្រព័ន្ធផ្សព្វផ្សាយរដ្ឋ KCNA លើកឡើងថាក្បួនដង្ហែរយោធានេះជាការបង្ហាញពីសមត្ថភាពវាយប្រហារនុយក្លេអ៊ែរដ៏អស្ចារ្យបំផុតរបស់កូរ៉េដខាងជើង។
 

គួរបញ្ជាក់ថា កាលពីខែធ្នូ កូរ៉េខាងជើងបានសាកល្បងម៉ាស៊ីនបាញ់មីស៊ីលអន្តរទ្វីបប្រើឥន្ធនៈរឹងដែលមានកម្លាំងខ្ពស់រួចទៅហើយ ហើយការសាកល្បងមីស៊ីលអន្តរទ្វីបប្រភេទថ្មីប្រើឥន្ធនៈរឹងទំនងធ្វើឡើងក្នុងពេលឆាប់ៗនេះ៕