រុក្ខជាតិនៅតាមស្រុកភូមិ និងព្រៃភ្នំ ច្រើនបន្តពូជតាមរយៈគ្រាប់ មើម ធាង ឫស ព្រោះរុក្ខជាតិទាំងនោះមានផ្លែ ផ្កែ។ ទន្ទឹមនេះមានរុក្ខជាតិប៉ុន្មានប្រភេទមានត្រឹមដើម គ្មានផ្លែ ផ្កា  តែអាចបន្ដពូជបានធម្មតា ក្នុងនោះរួមមានដើមឫស្សី ដំឡូងឈើ ម្លូ ​ស្អំ។ ក្រៅពីរុក្ខជាតិទាំងនេះ ក៏មានរុក្ខជាតិប្រភេទផ្សេងទៀត ដែលរស់ដោយគ្មានផ្លែ និងផ្កា។

ឫស្សី៖ ជាប្រភេទរុក្ខជាតិប្រើប្រាស់ដើម គ្មានផ្លែ គ្មានផ្កា និងបន្តពូជតាមរយៈខ្នែងរបស់វា។ ពលរដ្ឋតាមស្រុកស្រែចម្ការ និយមយកឫស្សីប្រើប្រាស់ក្នុងជីវភាពប្រចាំថ្ងៃ។ ជាមួយគ្នានេះ គេយកវាទៅកែច្នៃធ្វើជាឧបករណ៍ប្រើប្រាស់នានា ដើម្បីផ្គត់ផ្គង់តម្រូវការប្រើប្រាស់ដូចជា របស់របរក្នុងផ្ទះបាយ វត្ថុអនុស្សាវរីយ៍គ្រឿងសង្ហារឹមក្នុងគេហដ្ឋានជាដើម។ 

ដំឡូងឈើ៖ ជារុក្ខជាតិដំណាំ ត្រូវបានប្រើជាបន្លែសម្រាប់បរិភោគ។ វាក៏ស្ថិតក្នុងចំណោមដើមឈើប្រភេទគ្មានផ្លែ និងផ្កា។ ដើមដំឡូងឈើក្រៅពីយកធ្វើពូជបន្ត ពិតជាកម្រឃើញគេយកធ្វើអ្វីទៀតណាស់។ មួយទៀតពលរដ្ឋនៅតាមស្រុកមួយចំនួន បានដាំដំឡូងប្រភេទនេះធ្វើជារបងផ្ទះផងដែរ។

ម្លូ៖ ជារុក្ខជាតិវល្លិមួយប្រភេទរស់ដោយគ្មានផ្លែ និងផ្កាដូចរុក្ខជាតិប៉ុន្មានមុខខាងលើដែរ។ ម្លូត្រូវបានពលរដ្ឋភាគច្រើនស្គាល់ និងបានយកមកប្រើប្រាស់ក្នុងជីវភាពប្រចាំថ្ងៃច្រើនទម្រង់។ លើសពីការបរិភោគស្លឹករបស់វាអាចយកធ្វើឱសថព្យាបាលជំងឺជាដើម។

​ស្អំ៖ ជាប្រភេទបន្លែត្រួយសម្រាប់យកទៅជៀន ស្លប្រហើរ ស្លទំពាំង-ល-។ ទោះគ្មានផ្កា ផ្លែ ប៉ុន្ដែគេអាចដាំវាបន្ត

ដោយប្រើដើមរបស់វាដូចជា អំពៅ និងដំឡូងឈើដែរ៕