ជាតិ
×![]()
ដោយ: ធឿន បញ្ញាឬទិ្ធ
កម្ពុជា-ចិន បានឯកភាពគ្នា ពិនិត្យលទ្ធភាពបង្កើត «ច្រករបៀងមច្ឆា និងអង្ករ» ។ នេះបើតាមសេចក្តីថ្លែងការណ៍រួមស្ដីពីការកសាងសហគមន៍វាសនារួមកម្ពុជា-ចិន ក្នុងយុគសម័យថ្មី នៅថ្ងៃទី១១ កុម្ភៈ។
«ច្រករបៀងមច្ឆា និងអង្ករ» ដែលភាគីទាំងពីរ គ្រោងបង្កើតឡើងនេះ មានទីតាំង នៅភាគពាយព្យ នៃប្រទេសកម្ពុជា និងនៅតំបន់បឹងទន្លេសាប អភិវឌ្ឍកសិកម្មអេកូឡូស៊ីទំនើបនៅក្បែរបឹងទន្លេសាប។ ការឯកភាពគ្នានេះ ក្រោមកិច្ចពិភាក្សារវាងសម្ដេចនាយករដ្ឋមន្រ្តី ហ៊ុន សែន និងលោក ស៊ី ជីនពីង ប្រធានាធិបតីចិន នាទីក្រុងប៉េកាំង កាលពីថ្ងៃទី១០ កុម្ភៈ។
បន្ថែមពីនេះ ភាគីកម្ពុជា-ចិន ពន្លឿនការធ្វើផែនការអភិវឌ្ឍន៍កសិកម្មទំនើបរបស់កម្ពុជា ពិនិត្យលទ្ធភាពលើ កិច្ចសហប្រតិបត្តិការកសិកម្មឌីជីថល និងគាំទ្រការលើកកម្ពស់លើវិស័យវារីវប្បកម្មចម្ការត្រូពិក និង វិស័យសក្តានុពលផ្សេងទៀតរបស់កម្ពុជា។
ក្រៅពីនេះ មេដឹកនាំទាំងពីរ ក៏លើកកម្ពស់កិច្ចសហប្រតិបត្តិការត្រួតពិនិត្យគយ និងចត្តាឡីស័ក និងជំរុញយ៉ាងសកម្មក្នុងការនាំចូលកសិផលកម្ពុជា ដែលមានគុណភាពខ្ពស់ ជាពិសេសបន្តជំរុញអន្ដរតភ្ជាប់ «ច្រកចេញចូលតែមួយ» ដើម្បីជំរុញពាណិជ្ជកម្មទ្វេភាគី។
«ប្រើប្រាស់ឱ្យបានពេញលេញ នូវកិច្ចព្រមព្រៀង RCEP និងកិច្ចព្រមព្រៀងពាណិជ្ជកម្មសេរីកម្ពុជា-ចិន ព្រមទាំងជំរុញការចរចា ដំឡើងតំបន់ពាណិជ្ជកម្មសេរីអាស៊ាន-ចិន ៣.០ ក៏ដូចជាវេទិកានានា រួមទាំងពិព័រណ៍នាំចូលអន្តរជាតិ ចិន ពិព័រណ៍នាំចូល និងនាំចេញចិន និងពិព័រណ៍អាស៊ាន-ចិន ក៏ដូចជាយន្តការកិច្ចសហប្រតិបត្តិការ សេដ្ឋកិច្ចឌីជីថលទ្វេភាគី ដើម្បីបង្កើនការប្រកួតប្រជែង និងប្រជាប្រិយភាព នៃផលិតផលកម្ពុជានៅក្នុងប្រទេសចិន និងជំរុញពាណិជ្ជកម្មទ្វេភាគីឱ្យឈានដល់កម្រិតខ្ពស់ថ្មីមួយទៀត»។ នេះបើតាមសេចក្តីថ្លែងការណ៍រួមដដែល។
មេដឹកនាំកម្ពុជា-ចិន ក៏បានលើកទឹកចិត្តដល់ប្រជាជននៅតាមមូលដ្ឋានក្នុងប្រទេសទាំងពីរ ត្រូវដើរតួនាទីខ្លួនឱ្យបានពេញលេញ ដើម្បីបង្កើនកិច្ចសហប្រតិបត្តិការជាក់ស្ដែងលើវិស័យកសិកម្ម សេដ្ឋកិច្ច និងពាណិជ្ជកម្ម៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
