នៅសិតទី១ ការនាំមុខពិន្ទុរបស់ក្រុមម្ចាស់ផ្ទះកម្ពុជា មិនអាចនាំសំណាងដើម្បីទទួលជ័យជម្នះបានឡើយ ដោយភ្ញៀវយុវជនបារាំង វាយបកតាមរហូតអាចយកឈ្នះបានដោយពិន្ទុ ២៥-២៣។ ចូលដល់សិតទី២ បារាំងបន្តនាំមុខជ័យជម្នះសារជាថ្មីដោយពិន្ទុតាមប្រកៀកប្រកិតគ្នា ២៥-២១ និងនៅសិតទី៣ យុវជនអាយុក្រោម ១៩ឆ្នាំបារាំង យកឈ្នះដោយលទ្ធផល ២៥-២៣។

 

ចំណែកជំនួបមិត្តភាពជាតិ បញ្ជាការដ្ឋានអង្គរក្ស ឈ្នះក្លិបរដ្ឋបាលរាជធានីភ្នំពេញ ដោយលទ្ធផល ៣-០។ នៅសិតទី១ បញ្ជាការដ្ឋានអង្គរក្ស នាំមុខក្លិបរដ្ឋបាលរាជធានីភ្នំពេញដោយពិន្ទុ ២៥-២២ នៅសិតទី២ បន្តនាំមុខដាច់ឆ្ងាយ ២៥-១៨ និងនៅសិតទី៣ បញ្ជាការដ្ឋានអង្គរក្ស នាំមុខ ក្លិបរដ្ឋបាលរាជធានីភ្នំពេញដោយពិន្ទុ ២៥-២០។

 

គួបញ្ជាក់ថា ការប្រកួតមិត្តភាពអន្តរជាតិជើងទី២ រវាងក្រុមបាល់ទះជម្រើសជាតិកម្ពុជា និងយុវជនអាយុក្រោម ១៩ឆ្នាំបារាំង នឹងធ្វើនៅថ្ងៃទី២២ ខែកុម្ភៈ ឆ្នាំ២០២៣ នៅវិមានពហុកីឡដ្ឋានជាតិអូឡាំពិក៕