ជាតិ
សង្គមជាតិ
គម្រោងស្ថាបនាផ្លូវជាតិលេខ១០ សម្រេចបានជាង៥០ភាគរយហើយ រូបភាពពីក្រសួងសាធារណការ និងដឹកជញ្ជូន
× កីឡាការិនី ថន សុម៉ាវត្តី អំឡុងពេលកំពុងហ្វឹកហាត់កីឡាទ្រីយ៉ាត្លុងនៅឆ្នេរកែប
× គម្រោងស្ថាបនាផ្លូវជាតិលេខ១០ ដែលលាតសន្ធឹងពីស្រុកសំឡូត ខេត្តបាត់ដំបង ឆ្លងកាត់ស្រុកវាលវែង ខេត្តពោធិ៍សាត់ សម្រេចការសាងសង់បានជាង៥០ភាគរយហើយ។ បើតាមក្រសួងសាធារណការ និងដឹកជញ្ជូន ផ្លូវជាតិលេខ១០នេះ សាងសង់ស្របតាមបទដ្ឋានបច្ចេកទេសកម្រិត៣ របស់សាធារណរដ្ឋប្រជាមានិតចិន ដោយក្រុមហ៊ុនចិន (CRBC)។
បើតាមក្រសួងសាធារណការ គម្រោងស្ថាបនាផ្លូវជាតិលេខ១០នេះ មានប្រវែងជាង១៩៧គីឡូម៉ែត្រ លាតសន្ធឹងពីស្រុកសំឡូត ខេត្តបាត់ដំបង រហូតដល់ស្រុកវាលវែង និងឃុំអូរសោម ខេត្តពោធិ៍សាត់និងខេត្តកោះកុង។ ផ្លូវជាតិមួយខ្សែនេះ មានទទឹងតួផ្លូវ៩ម៉ែត្រ ជាប្រភេទផ្លូវកៅស៊ូ២ស្រទាប់ (DBST) ដែលសាងសង់ឱ្យមានស្ពានចំនួន២៨កន្លែង សរុបប្រវែង ១ ៧២១,៤៦ម៉ែត្រ និងមានស្ពានខ្ពស់ជាងគេមួយកម្ពស់៧៥ម៉ែត្រ បណ្តោយ៥៣០ម៉ែត្រ និងទទឹង១០ម៉ែត្រ ក៏ដូចជាមានបំពាក់ ផ្លាកសញ្ញាចរាចរណ៍ គំនូសចរាចរណ៍ បង្គោលគីឡូម៉ែត្រ និងបង្គោលសុវត្ថិភាពផងដែរ។
រូបភាពពីក្រសួងសាធារណការ និងដឹកជញ្ជូន
គិតមកត្រឹមថ្ងៃទី២៣ ខែកុម្ភៈ គម្រោងស្ថាបនាផ្លូវជាតិលេខ១០នេះ បានសម្រេចលទ្ធផលប្រមាណ៥៦ភាគរយហើយ ហើយក្រសួងក៏បានធ្វើតេស្តគុណភាពកម្រាស់ស្រទាប់គ្រឹះផ្លូវ នៅតាមកន្លែងមួយចំនួនឃើញថាក្រុមហ៊ុនធ្វើបានត្រឹមត្រូវតាមស្តង់ដារបច្ចេកទេសផងដែរ។
ទន្ទឹមនឹងនេះ ក្រសួងក៏បានអំពាវនាវដល់ពលរដ្ឋឱ្យចូលរួមគោរពច្បាប់ចរាចរណ៍ ជៀសវាងការបើកបរបញ្ច្រាសទិសចរាចរណ៍ មិនថាផ្លូវល្បឿនលឿន ឬផ្លូវធម្មតាឡើយ ព្រោះជាទង្វើល្មើសច្បាប់ចរាចរណ៍៕
រូបភាពពីក្រសួងសាធារណការ និងដឹកជញ្ជូន
© រក្សាសិទ្ធិដោយ thmeythmey.com