ជាតិ
កម្ពុជា ចាប់ផ្ដើមបញ្ចុះតម្លៃលើការធ្វើតេស្ត PCR ត្រឹម៥០ដុល្លារ សម្រាប់អ្នកដំណើរមុនចាកចេញពីកម្ពុជា
រូបតំណាង។ រូបថត៖ ឈុំ ចន្ថា
×![]()
ភ្នំពេញ៖ រដ្ឋាភិបាលកម្ពុជា ចាប់ផ្ដើមបញ្ចុះតម្លៃលើការធ្វើតេស្ត PCR សម្រាប់អ្នកដំណើរជនជាតិខ្មែរ និងជនបរទេសមុនពេលធ្វើដំណើរចេញពីកម្ពុជា។ ការបញ្ចុះតម្លៃនេះ ចាប់ផ្ដើមពីថ្ងៃទី១៨ កុម្ភៈតទៅ។
សេចក្ដីជូនដំណឹងរបស់ក្រសួងទេសចរណ៍ ចេញផ្សាយនៅថ្ងៃទី២៣ កុម្ភៈ បញ្ជាក់ដូច្នេះ៖«រាជរដ្ឋាភិបាលកម្ពុជា សម្រេចកំណត់តម្លៃត្រឹម ៥០ដុល្លារ លើការធ្វើតេស្ត PCR និងការចេញវិញ្ញាបនបត្របញ្ជាក់លទ្ធផលតេស្ត PCR កូវីដ-១៩ សម្រាប់អ្នកដំណើរមុនចាកចេញពីកម្ពុជា»។
បើតាមក្រសួងទេសចរណ៍ រាល់អ្នកដំណើរជនជាតិខ្មែរ និងជនបរទេស ដែលចូលមកកម្ពុជាពុំតម្រូវឱ្យបង្ហាញឯកសារពាក់ព័ន្ធកូវីដ-១៩ នោះទេ។ ការសម្រេចនេះ បន្ទាប់ពីកម្ពុជា បានបើកឡើងវិញទាំងស្រុងកាលពីត្រីមាសទី៤ ឆ្នាំ២០២២។
ក្រសួងទេសចរណ៍ អំពាវនាវដល់សមាគមទេសចរណ៍ ផ្នែកឯកជន និងស្ថាប័នពាក់ព័ន្ធ ចូលរួមផ្សព្វផ្សាយ ដើម្បីទាក់ទាញភ្ញៀវទេសចរ និងអ្នកដំណើរអន្តរជាតិឱ្យមកទស្សនាកម្ពុជា។ សូមបញ្ជាក់ថា នៅឆ្នាំ២០២៣នេះ កម្ពុជា បានរៀបចំយុទ្ធនាការ «ឆ្នាំទស្សនាកម្ពុជា ២០២៣» ក្រោមប្រធានបទ «គ្រប់ថ្ងៃគឺជាអច្ឆរិយភាព»៕
Tag:
ទេសចរណ៍
PCR
© រក្សាសិទ្ធិដោយ thmeythmey.com
