នៅក្នុងក្រឹត្យខ្លីមួយនៅថ្ងៃទី២៦ ខែកុម្ភៈ លោក វ៉ូឡូឌីមៀ ហ្សេលេនស្គី ប្រកាសបណ្តេញមេបញ្ជាការកម្លាំងប្រតិបត្តិការចម្រុះ លោក Eduard Moskalyov ចេញពីតំណែងដោយមិនបានបញ្ជាក់មូលហេតុឡើយ។ បើតាមទីភ្នាក់ងារព័ត៌មាន Reuters លោក ហ្សេលេនស្គី ក៏ទើបនិយាយពីឈ្មោះលោក Moskalyov នៅក្នុងសុន្ទរកថាថ្ងៃទី២៤ ខែកុម្ភៈ នៅពេលរាយនាយមេបញ្ជាការយោធាដែលលោកបានពិភាក្សាពីកិច្ចការជាតិ។ 
 

លោក Moskalyov បានចូលកាន់តំណែងតាំងពីខែមីនា ឆ្នាំ២០២២ មិនយូរប៉ុន្មានក្រោយរុស្ស៊ីបើកការឈ្លានពានអ៊ុយក្រែន។ លោក Moskalyov ដឹកនាំទ័ពចូលរួមក្នុងសមរភូមិសំខាន់ៗក្នុងតំបន់ Donbas នៅភាគខាងកើតប្រទេសផងដែរ។ 
 

ការបណ្តេញលោក Moskalyov ចេញពីតំណែងកើតឡើងបន្ទាប់ពីការប្រកាសប្ដូរតំណែងរដ្ឋមន្ត្រីការពារជាតិអ៊ុយក្រែន លោក Oleksii Reznikov ។ ក្រសួងការពារជាតិអ៊ុយក្រែន រងការសង្ស័យថា របបានបង្ខាំងស្បៀងអាហារមិនឱ្យកងទ័ពក្នុងពេលមានអតិផរណាឡើងខ្ពស់។ 
 

កន្លងមក រដ្ឋាភិបាលបានបានទទួលយកការសុំលាលែងពីតំណែងរបស់អនុរដ្ឋមន្ត្រីមួយរូបបន្ទាប់ពីបានរកឃើញថាបានទទួលសំណូក។​ លើសពីនេះ អនុប្រធានការិយាល័យប្រធានាធិបតី លោក Kyrylo Tymoshenko បានស្នើលាលែងពីតំណែងផងដែរ៕