កីឡាអន្តរជាតិ
អន្តរជាតិ
FA Cup៖ Man City បន្តឡើងជុំទី៦ ឯម្ចាស់ជើងឯក Leicester ធ្លាក់ក្រោមថ្វីជើង Blackburn
× ក្រុម Manchester City បន្តដំណើរទៅជុំទី៦ នៃពានរង្វាន់ FA Cup ក្រោយយកឈ្នះក្រុម Bristol City មកពីក្របខណ្ឌ Championship ក្នុងលទ្ធផល ៣-០ នៃការប្រកួតជុំទី៥។ ម្ចាស់ការពារតំណែងជើងឯក Leicester City ធ្លាក់ចេញពីការប្រកួតត្រឹមជុំទី៥ ក្រោយចាញ់ Blackburn Rovers ២-១។
២គ្រាប់របស់ Phil Foden នៅនាទី៧ និង៧៤ និង១គ្រាប់របស់ Kevin de Bruyne ដែលរកបាននៅ នាទី៨៧ បានជួយ Man City បន្តដំណើរឡើងជុំទី៦ ខណៈខ្លួនបានបញ្ចប់ភាពមិនដែលចាញ់ ១២ប្រកួតជាប់គ្នារបស់ Bristol City ដែលមកពីក្របខណ្ឌលីគទី២។
ក្រុម Leicester City ម្ចាស់ជើងឯក FA Cup រដូវកាល ២០២១-២២ រងការខកចិត្តក្រោយ រងបរាជ័យក្នុងទឹកដីខ្លួនឯងក្រោមថ្វីជើង Blackburn Rovers លទ្ធផល ២-១។ ២គ្រាប់ជ័យជម្នះរបស់ Blackburn ធ្វើបានដោយកីឡាករ Tyrhys Dolan និង Sammie Szmodics ស៊ុតចូល ២គ្រាប់ មុនពេលកីឡាករ Kelechi Iheanacho ស៊ុតតាមបាន ១គ្រាប់មកវិញ។
ចំណែក Fulham វិញបានទម្លាក់ក្រុម Leeds United ដែលមកពីក្របខណ្ឌ Premier league ដូចគ្នាហើយឡើងទៅកាន់ជុំទី៦ លើកដំបូងក្នុងរយៈពេល ១៣ឆ្នាំ ក្រោយកីឡាករ Joao Palhinha និង Manor Solomon បានស៊ុតយកឈ្នះក្នុងលទ្ធផល ២-០។
Brighton & Hove Albion ក៏សម្លឹងរកការឈ្នះពានរង្វាន់លើកដំបូងរបស់ខ្លួនក្នុងរដូវកាលថ្មីនេះ ក្រោយយកឈ្នះលើក្រុម Stoke City លទ្ធផល ១-០ នៅជំនួបជុំទី៥។
រីឯជំនួប៤គូផ្សេងទៀត ដែលប្រកួតស្មើក្នុងជុំទី៥ នាពេលកន្លងទៅ នឹងត្រូវបន្តការប្រកួតក្នុងរាត្រីថ្ងៃទី២ ខែមីនា ដោយក្នុងនោះម្ចាស់ពានរង្វាន់ EFL Cup ក្រុម Manchester United នឹងត្រូវស្វាគមន៍ West Ham United ក្នុងទឹកដី Old Trafford ក៏ត្រូវប្រជែងគ្នាដើម្បីទៅកាន់វគ្គបន្តដូចគ្នា៕
Tag:
FA Cup
Manchester City
© រក្សាសិទ្ធិដោយ thmeythmey.com