ហិរញ្ញប្បទាន១,៣ពាន់លានដុល្លារ ពីធនាគារចិន នឹងចែកចេញជាបីដំណាក់កាល ហើយ​វា​មាន​សារ​សំខាន់សម្រាប់សេដ្ឋកិច្ចប្រទេសអាស៊ីខាងត្បូងមួយនេះដែលកំពុងប្រឈមនឹងវិបត្តិទូទាត់ដោ​យ​ធនាគារកណ្តាលរបស់ខ្លួនដែលបានធ្លាក់ចុះដល់កម្រិតមួយស្ទើរតែមិនអាចគ្រប​ដណ្តប់​លើ​ការ​នាំចូ​លរ​យៈពេលបីសប្តាហ៍។

 

កន្លងមក ប៉ាគីស្ថានបានទទួលប្រាក់កម្ចីចំនួន៧០០លានដុល្លាររួចហើយពីចិនដើម្បីជួយបង្កើនទុន បម្រុងរបស់ខ្លួនរួចហើយ។ បើតាមរដ្ឋមន្រ្តីហិរញ្ញវត្ថុប៉ាគីស្ថាន Ishaq Dar ប៉ាគីស្ថាន​នឹង​ត្រូវការ​ហិរញ្ញប្បទានពីខាងក្រៅចំនួន៥ពាន់លានដុល្លារដើម្បីបំពេញថវិកាក្នុងឆ្នាំសារពើពន្ធ​ដែល​នឹង​បញ្ចប់​នៅក្នុងខែមិថុនា។

 

បន្ថែមពីលើចិន ប៉ាគីស្ថាន នឹងទទួលបានការផ្តល់ហិរញ្ញប្បទានពីខាងក្រៅបន្ថែមទៀតបន្ទាប់ពី​ចុះ​ហត្ថលេខាលើកិច្ចព្រមព្រៀងជាមួយមូលនិធិរូបិយវត្ថុអន្តរជាតិ (IMF) ។ លោករដ្ឋមន្ត្រីដដែលបាន​និយាយថា វាគួរតែកើតមាននៅសប្តាហ៍ក្រោយ។
 

អ្នកផ្តល់ប្រាក់កម្ចីបានិងកំពុងចរចាកិច្ចព្រមព្រៀងជាមួយប៉ាគីស្ថានតាំងពីដើមខែមុន ដើម្បីជម្រះការត្រួតពិនិត្យលើកទីប្រាំបួនដែលប្រសិនជាត្រូវបានអនុម័តដោយក្រុមប្រឹក្សាភិបាលរបស់ខ្លួននោះនឹងចេញប្រាក់ជំនួយជាង១ពាន់លានដុល្លារនៃជំនួយសង្គ្រោះចំនួន៦,៥ពាន់លានដុល្លារដែលបានព្រមព្រៀងគ្នាក្នុងឆ្នាំ ២០១៩ ៕