«ចាប់បានហើយក្មេង យករំសែវផាវ ញាត់នឹងកំប៉ុងប៊ីយៀរ ទៅដុតលេង នៅក្រោមស្ពានស្ទឹងសែន»។ ប៉ូលិសប្រចាំការវេនយប់តំបន់ចំណុចគល់ស្ពានស្ទឹងសែនប្រាប់ដូច្នេះ បន្ទាប់ពីមានករណីសំឡេងផ្ទុះដែលបង្កឱ្យមានការភ្ញាក់ផ្អើល។

 

 

ក្រោយលឺសំឡេងផ្ទុះ មន្រ្តីប៉ូលីសក្នុងតំបន់ បានឃាត់ខ្លួនជនបង្កបានលឿនដោយប្រើពេលត្រឹម១នាទីប៉ុណ្ណោះ។ ក្រោយករណីផ្ទុះសំឡេងរំសែវនោះដែរ ក៏មានការហាមឃាត់ និងឆែកឆេរ ប្រជាពលរដ្ឋដែលធ្វើដំណើរលើស្ពានស្ទឹងសែន ដែលខ្លះទៅលេងកម្សាន្តក្នុងពីធីបុណ្យទន្លេលើកទី៧។

 

គិតមកដល់ថ្ងៃទី៩ ខែមីនា ឆ្នាំ២០២៣ នេះស្ថានការណ៍ក្រោមស្ពានស្ទឹងសែន ក្នុងខេត្តកំពង់ធំ ត្រូវបានកងកម្លាំងប៉ូលីស និងកងអង្គរក្ស ត្រួតពិនិត្យយ៉ាងយកចិត្តទុកដាក់ ដោយមានការចុះល្បាតទាំងកម្លាំងនគរបាល កងរាជអវុធហត្តល ដើម្បីឱ្យដំណើរការពិធីបុណ្យទន្លេ លើកទី៧ ក្នុងខេត្តកំពង់ធំ បញ្ចប់ដោយរលូន។

បុណ្យទន្លេលើកទី៧ ឆ្នាំ២០២៣ នៅកំពង់ធំ​ ធ្វើឡើងចាប់ពីថ្ងៃទី៨-១០ ខែមីនា ក្រោយអាក់ខានរៀបចំពីរលើកចុងក្រោយនៅឆ្នាំ២០២១ និង២០២២ ដោយសារជំងឺកូវីដ-១៩៕