សភាលីទុយអានីបានបង្ហាញចលនាប្រឆាំងរបស់ខ្លួន ដោយបាននិយាយថា ប្រសិនបើជ័យជម្នះណាមួយដោយអត្តពលិករុស្ស៊ី និងបេឡារុសទទួលបាននៅកីឡាអូឡាំពិក និងនៅព្រឹត្តិការណ៍កីឡាផ្សេងទៀត ប្រៀបបានជាការគេងចំណេញលើការឃោសនាពីសំណាក់រដ្ឋាភិបាលទីក្រុងមូស្គូ និងទីក្រុង Minsk។
 

ដើមឆ្នាំ ២០២៣ អ៊ុយក្រែនក៏បានអំពាវនាវឱ្យមានការហាមឃាត់លើអត្តពលិកពីរុស្ស៊ី និងបេឡារុសពីការប្រកួតព្រឹត្តិការណ៍ Paris 2024 បន្ទាប់ពី IOC កាលពីខែមករា បានបើកភ្លើងខៀវអនុញ្ញាតឱ្យអត្តពលិករុស្ស៊ី និងបេឡារុសវិលចូលរួមប្រកួតក្រោមរូបភាពទង់ជាតិអូឡាំពិក និងទង់អត្តពលិក។
 

កាលខែកុម្ភៈ ប្រទេសប្រមាណ ៣០រួមមានទាំងអាម៉េរិក អង់គ្លេស និងបារាំង បង្ហាញការគាំទ្រចំពោះការហាមឃាត់នោះ ដែលរុស្ស៊ីបានឆ្លើយតបវិញថា ការហាមឃាត់នេះ ជារឿងមិនអាចទទួលយកបាន។
 

ដោយឡែកកាលពីសប្តាហ៍មុន គណៈកម្មាធិការអូឡាំពិកអាហ្រ្វិក បានអនុម័តសេចក្តីសម្រេចមួយ ដែលគាំទ្រការចូលរួមប្រកួតពីសំណាក់អត្តពលិករុស្ស៊ី និងបេឡារុសក្រោមរូបភាពទង់ជាតិអូឡាំពិក និងទង់អត្តពលិកអន្តរជាតិ៕