លោកស្រី ចាន់ ផលលឿន បានលើកឡើងថា៖«នៅថ្ងៃនេះ ប្រទេសកម្ពុជា បង់ក្លាដេស និងវៀតណាម បានពិភាក្សាគ្នាជុំវិញតំបន់ដីសណ្ដទន្លេមេគង្គ ដើម្បីរកដំណោះស្រាយ។ បង់ក្លាដេស មិនមានដីសណ្ដ ជាប់ជាមួយយើងទេ តែនៅតំបន់គាត់មានទឹកលិចច្រើន ស្ថានភាពអាចប្រហាក់ប្រហែលគ្នា»។
 

ប្រភេទដីសណ្ដមាន ២ប្រភេទ គឺប្រភេទដីសណ្ដទន្លេសាប និងដីសណ្ដទន្លេមេគង្គ។ ប៉ុន្តែនៅថ្ងៃសិក្ខាសាលានេះ គឺជជែកជុំវិញតែដីសណ្ដទន្លេមេគង្គប៉ុណ្ណោះ។ លោកស្រី ចាន់ ផលលឿន បានបន្ថែមថា គម្រោងស្ដីពីតំបន់ដីសណ្ដនេះ គឺIRRI ជាអ្នកស្វែងរកដៃគូពីខាងក្រៅ ដើម្បីអនុវត្តលើកកម្រោង។
 

លោកស្រី ក៏បានគាំទ្រការចាប់ផ្ដើមដំណើរការគម្រោងស្ដីពីតំបន់ដីសណ្ដអាស៊ីនេះ ក៏ដូចជាសិក្ខាសាលាបង្កើតបណ្ដាញអ្នកពាក់ព័ន្ធចម្រុះ នៅក្នុងខេត្តតាកែវ និងខេត្តព្រៃវែង និងសិក្ខាសាលាបណ្ដុះបណ្ដាលស្ដីពីផែនទីឆ្លាតវៃ អាកាសធាតុ និងផែនការបន្សាំ សម្រាប់ខេត្តតំបន់ដីសណ្ដ។ ចំណែកAMD ក៏ត្រូវឆ្លើយតបនឹងតម្រូវការរបស់កសិករខ្នាតតូច និងតម្រូវការផ្សេងៗទៀតផងដែរ៕