នាការប្រកួតស៊ីហ្គេមនៅប្រទេសវៀតណាម លើកទី៣១ កាលពីឆ្នាំ២០២២ ហ្វីលីពីន បានបញ្ជូនអត្តពលិកត្រឹមតែ ៥៧៧នាក់ប៉ុណ្ណោះ ។ កាលណោះហ្វីលីពីន បានបញ្ចប់ក្នុងចំណាត់ថ្នាក់លេខ៤ ដោយឈ្នះមេដាយសរុប២២៦ ក្នុងនោះមេដាយមាស៥២ ប្រាក់៧០ និងសំរឹទ្ធ១០៤។

 

សម្រាប់អត្តពលិកដែលហ្វីលីពីន គ្រោងបញ្ជូនមកកាន់កម្ពុជានេះ មានចំនួនប្រហាក់ប្រហែលគ្នាទៅនឹងគ្រាដែលហ្វីលីពីន រៀបចំធ្វើជាម្ចាស់ផ្ទះកាលពីឆ្នាំ២០១៩ ដែរ។ កាលណោះ ហ្វីលីពីនដាក់អត្តពលិកចូលរួមប្រកួត ចំនួន១១១៩នាក់ លើ៥៦ប្រភេទកីឡា។

 

គួរបញ្ជាក់ថា អត្តពលិករបស់ហ្វីលីពីន ដែលនឹងបញ្ជូនមកប្រកួតកីឡាស៊ីហ្គេមលើកទី៣២ នៅប្រទេសកម្ពុជា ចំនួន៩០៥នាក់នេះ ត្រូវប្រកួតលើ ៦០៨វិញ្ញាសា ក្នុងចំណោម ៣៨ប្រភេទកីឡា ៕