ភ្នំពេញ៖ លោក សុខ វិជ្ជា ​អ្នកបច្ចេកទេស​និង​ស្រាវជ្រាវ​ពី​រុក្ខជាតិ​កម្រ​របស់​កម្ពុជា គ្រោងរៀបចំផ្សារលក់រុក្ខជាតិតាំងលម្អដើម្បីជួយផ្សព្វផ្សាយ ​និងលើកស្ទួយឱ្យប្រជាជនក្នុងស្រុកស្រលាញ់ធម្មជាតិកាន់តែច្រើន​ និងអាចក្លាយជាផ្សារទេសរចរណ៍រុក្ខជាតិសម្រាប់ជនបរទេស ដែលចូលមកទស្សនាប្រទេសកម្ពុជា​ផងដែរ។

 

​រុក្ខជាតិតាំងលម្អនេះ អាចយកមកប្រើប្រាស់សម្រាប់ដាក់តាំងនៅក្នុងបន្ទប់គេងការិយាល័យ សាលារៀន គេហដ្ឋាន និងតាមបុរីជាដើម។

 

បើតាម លោក សុខ វិជ្ជា ជា​អ្នកបច្ចេកទេស​និង​ស្រាវជ្រាវ​ពី​រុក្ខជាតិ​កម្រ​របស់​កម្ពុជា វត្តមានផ្សារលក់រុក្ខជាតិលម្អនេះ មិនត្រឹមតែទាក់ទាញទេសចរនិងផ្សព្វផ្សាយរុក្ខជាតិប៉ុណ្ណោះទេ ប៉ុន្តែវាជួយបន្សុទ្ធខ្យល់, បន្ធូរបន្ថយអារម្មណ៍ស្មុគស្មាញ និងអផ្សុកជាដើមសម្រាប់ពលរដ្ឋរស់នៅក្នុងរាជធានីភ្នំពេញ។
 

លើសពីនេះ វាក៏ជាសកម្មភាពកម្សាន្តមួយដែលផ្សារភ្ជាប់ការរស់នៅជាមួយនឹង​ធម្មជាតិ និងបង្កើនបរិយាកាសស្រស់ស្រាយផងដែរ។
  

បើតាមគម្រោងផ្សារលក់រុក្ខជាតិលម្អនេះនឹងចាប់ផ្តើមជាមួយនឹងតូបលក់ប្រមាណ ៥០ ដែល​នឹងការដាក់លក់រុក្ខជាតិ ​ពី១០០ទៅ២០០ប្រភេទ រួមនឹងរុក្ខជាតិប្រភេទកម្រៗ មួយចំ​នួន​ និងរុក្ខជាតិដាំខាងក្រៅផងដែរ។ យ៉ាងណាក៏ដោយ លោក សុខ វិជ្ជា នៅមិនទាន់អាចបញ្ជាក់ពីទីតាំង និងពេលវេលាជាក់លាក់នៃការដំណើរការ ផ្សារលក់រុក្ខជាតិលម្អនេះនៅឡើយ ដោយលោកត្រូវពិភ្សា និងទទួលបានការឯកភាពពីក្រសួងកសិកម្មផងដែរ៕