កម្លាំងសមត្ថកិច្ច បានចុះទៅចាប់លោក យឹម ស៊ីណន និង ហ៊ុន កុសល ក្នុងពេលតែមួយ គឺនៅល្ងាចថ្ងៃទី២១ ខែមីនា ឆ្នាំ២០២៣ បន្ទាប់ពីពួកគេ បង្ហោះសារលើទំព័រហ្វេសប៊ុក ដែលសមត្ថកិច្ច និងតុលាការ យល់ឃើញថា ជាសារដែលមានន័យប្រមាថព្រះមហាក្សត្រ និងមានលក្ខណៈញុះញង់។ 
 

លោក យឹម ស៊ីណន សរសេរថា៖«បើតាមសំឡេងពលរដ្ឋតាមហាងកាហ្វេ ថ្ងៃនេះ យើងអាចឃើញច្បាស់ថា អ្នកណាជាស្តេចផែនដីពិតប្រាកដ»។ ឯលោក ហ៊ុន កុសល សរសេរថា៖«ឃើញពួកគេធ្វើបាបព្រះទ័យ និងបន្ទាបព្រះចេស្តាព្រះមហាក្សត្រខ្មែរគ្រប់ច្រកបែបនេះ ទូលបង្គំជាអ្នកនយោបាយជំនាន់ក្រោយ ប្តេជ្ញានឹងប្រើសមត្ថភាពដែលមានទាំងប៉ុន្មានចូលរួមពូនផ្តុំជាមួយលោកប្រធាន កឹម សុខា ការពារព្រះចេស្តាក្សត្រ និងព្រះរាជបល្ល័ង្គដែលប្រជារាស្រ្តខ្មែរមិនអាចខ្វះបាន»៕