«កាំង ម៊ុយនីន ដែលបានឈ្នះមេដាយមាសលើវិញ្ញាសា FIN Swimming នៅប្រទេសវៀតណាមនេះជាសញ្ញាមួយដ៏ល្អក្នុងការដណ្តើមមេដាយ»។ លោក ហែម គីរី ប្រាប់សារព័ត៌មានថ្មីៗ តាមសារអេឡិចត្រូនិកដូច្នេះនៅថ្ងៃទី២២ ខែមីនា ឆ្នាំ២០២៣ ហើយលោកបានបញ្ជាក់ផងដែរថា ការធ្វើបានល្អក្នុងកម្រិតនេះជាក្តីរំពឹងសម្រាប់ប្រជែងយកមេដាយមាសនាស៊ីហ្គេម២០២៣ ខាងមុខផងដែរ។

 

 

បន្ថែមពីលើទៀតនោះលោក ហែម គីរី ក៏បានកោតសរសើរ និងវាយតម្លៃខ្ពស់ចំពោះអត្តពលិក គ្រូបង្វឹកកីឡាហែលទឹកដែលខិតខំប្រឹងប្រែង និងធ្វើបានល្អទោះការហ្វឹកហាត់នៅប្រទេសវៀតណាម មានរយៈពេលខ្លីក៏ពិតមែនក្នុងនាមមន្រ្តីបច្ចេកទេសលោក គិរី លើកទឹកចិត្តចំពោះកីឡាករ-កីឡាការិនីដទៃទៀតបន្តប្រឹងប្រែងបន្ថែមទៀតសម្រាប់ស៊ីហ្គេមនាពេល ខែឧសភា ខាងមុខនេះ។

 

លោក ហែម គីរី និយាយថា ៖«យើងក៏ដាក់ក្តីសង្ឃឹមលើពួកគាត់អាចនឹងធ្វើបានល្អនៅពេលប្រកួតស៊ីហ្គេមនៅកម្ពុជា។ ព្រោះការប្រកួតនៅក្នុងទឹកដីខ្លួនឯងមានការគាំទ្រពីមហាជន និងអាចជាកម្លាំងចិត្តសម្រាប់គាត់ដែលអាចមានក្តីសង្ឃឹមបានច្រើន»។

 

គួបញ្ជាក់ថា កីឡាការិនីហែលទឹកជម្រើសជាតិកម្ពុជា កាំង ម៊ុយនីន ទទួលបានមេដាយប្រាក់១ និងសំរឹទ្ធ១ ពីការប្រកួតកីឡាហែលទឹក Vietnam FIN Swimming Championships 2023 នៅប្រទេសវៀតណាម ដែលប្រព្រឹត្តទៅពីថ្ងៃទី២១-២៤ ខែមីនា ឆ្នាំ២០២៣។ កម្ពុជា បានបញ្ជូនគ្រូបង្វឹក១រូប កីឡាករ៤រូប និងកីឡាការិនី២រូប ចូលរួមការប្រកួតនោះផងដែរ៕