គ្រូបង្វឹកកីឡាវ៉ូវីណាមកម្ពុជា រូបនេះបន្តថា ការតឹងតែងចំពោះវិន័យអត្តពលិកដែលស្ថិតនៅក្នុងជំរំហ្វឹកហាត់ជម្រើសជាតិ នាមជ្ឈមណ្ឌលហ្វឹកហ្វឺនកីឡាជាតិទទួលបានគុណផលល្អ ដែលច្នៃពីកម្រិតល្អ ទៅកម្រិតខ្ពស់បន្ថែម ដើម្បីត្រៀមប្រជែងមេដាយក្នុងព្រឹត្តិការណ៍កីឡាស៊ីហ្គេមលើកទី៣២ នាពេលខាងមុខ។

 

លោក ទេព ជីវសុខុម និយាយថា៖«ម៉ោង៩យប់គឺបិទមិនឱ្យមានការចេញចូលនោះទេ ហើយមានការត្រួតពិនិត្យលើអវត្តមានជារៀងរាល់ថ្ងៃ»។ លោក ជីវសុខុម បន្ថែមថាការប្រកួតកីឡាវ៉ូវីណាមជ្រើសរើសជើងឯកអាស៊ីអាគ្នេយ៍ ២០២៣ នេះជាការត្រួសត្រាយផ្លូវសម្រាប់អត្តពលិកកម្ពុជាផងដែរ។

 

គ្រូបង្វឹកកម្ពុជា សង្កត់ធ្ងន់ថា៖«សម្រាប់អត្តពលិកក៏ដូចជាគ្រូបង្វឹក ពួកយើងត្រៀមខ្លួនរួចជាស្រេចក្នុងការប្រកួតជើងឯកអាស៊ីអាគ្នេយ៍នេះ ក៏ដូចជាការវាស់ស្ទង់កម្រិតសមត្ថភាពបច្ចេកទេសពួកគាត់ ដើម្បីឈានឆ្ពោះទៅការប្រកួតស៊ីហ្គេមក្នុងនាមយើងជាម្ចាស់ផ្ទះ»។ 

 

គួបញ្ជាក់ថា លោក ទេព ជីវសុខុម គ្រូបង្វឹកកីឡាវ៉ូវីណាមជម្រើសជាតិកម្ពុជា បានចូលរួមជាមួយក្រុមតាំងពីឆ្នាំ២០១១ មកម្លេះ។ ការប្រកួតកីឡាវ៉ូវីណាម ជ្រើសរើសជើងឯកអាស៊ីអាគ្នេយ៍ឆ្នាំ២០២៣ នៅប្រទេសកម្ពុជា នឹងធ្វើពីថ្ងៃទី២៥-៣០ ខែមីនា ឆ្នាំ២០២៣ នៅសាលដំបូលទូក ក្នុងបរិវេណសាកលវិទ្យាល័យភូមិន្ទភ្នំពេញ៕