កីឡាករ លី បូរ៉ាមី ឈ្នះមេដាយមាស១ លើវិញ្ញាសាមេគុនសម្តែង(ឯកត្តជន) កត្តាង៉ូវម៉ូនបុរស ដោយបញ្ចប់ក្នុងលទ្ធផលពិន្ទុ២៧១។ វិញ្ញាសា មេគុនដំបងបុរស(ឯកត្តជន) ឈ្នះមេដាយមាស១ ដោយកីឡាករ សៀន ចាន់ហួត បញ្ចប់ក្នុងលទ្ធផលពិន្ទុ ២៧០។ វិញ្ញាសាមេគុនដាវបុរស ៤នាក់ (ក្រុម) ឈ្នះមេដាយមាស១ សម្រេចបានដោយកីឡាករ ម៉េត សារី, ម៉ែន សុខវិច្ឆកា, អ៊ឹម លាំងឈុង នីទីស្សា។

 

 

មេដាយប្រាក់១ ធ្វើបានដោយកីឡាការិនី ប៉ាល់ ឆរស្ម៊ី, ម៉េត សុភត្រា្ត, ជ្រិន ប៊ុនឡុង និងប្រាក់ សុវណ្ណនី លើវិញ្ញាសាសម្តែងក្រុម នារី១ បុរស៣នាក់ មានអាវុធ និងមេដាយសំរឹទ្ធ១ ធ្វើបានដោយកីឡាករ អ៊ុំ និមល លើវិញ្ញាសាប្រយុទ្ធ ទម្ងន់ក្រោម ៥៥គីឡូក្រាម ក្រោយចាញ់កីឡាករថៃ ដោយពិន្ទុ ៧-០។

 

គួបញ្ជាក់ថា ការប្រកួតកីឡាវ៉ូវីណាមជ្រើសរើសជើងឯកអាស៊ីអាគ្នេយ៍ លើកទី៦ ឆ្នាំ២០២៣ ធ្វើឡើងពីថ្ងៃទី២៥-៣០ ខែមីនា ឆ្នាំ២០២៣ នាសាលដំបូលទូក ក្នុងបរិវេណសាកលវិទ្យាល័យភូមិន្ទភ្នំពេញ រាជធានីភ្នំពេញ ៕