ទន្ទឹមនឹងការរៀបចំពិធីបង្សុកូល គណបក្សភ្លើងទៀន បានចេញសេចក្តីថ្លែងការណ៍ រម្លឹកដោយសង្ខេបអំពីព្រឹត្តិការណ៍បំផ្ទុះគ្រាប់បែកនេះ។ គណបក្សភ្លើងទៀន សរសេរថា រយៈពេល២៦ឆ្នាំកន្លងមកនេះ ក្រុមគ្រួសាររបស់ជនរងគ្រោះ នៅតែទទួលរងការឈឺចាប់ ដោយសារល្មើស នៅពុំទាន់ត្រូវបានចាប់ខ្លួនយកទៅផ្តន្ទាទោសនៅឡើយ។ គណបក្សភ្លើងទៀន អំពាវនាវឲ្យរដ្ឋាភិបាលកម្ពុជា និងអាជ្ញាធរមានសមត្ថកិច្ច វែកមុខ និងចាប់ជនល្មើស យកទៅផ្តន្ទាទោសតាមច្បាប់។ 
 

ព្រឹត្តិការណ៍បំផ្ទុះគ្រាប់បែក នៅថ្ងៃទី៣០ ខែមីនា ឆ្នាំ១៩៩៧ បណ្តាល​ឲ្យបាតុករ​១៦​នាក់ស្លាប់ និង​របួស​ជាង​១០០​នាក់ ខណៈ​ជនរងគ្រោះ​ទាំងនោះ ប្រមូលផ្តុំ​គ្នា​ទាមទារ​ឲ្យ​ធ្វើកំណែទម្រង់​ប្រព័ន្ធយុត្តិធម៌ ដែល​ដឹកនាំ​ដោយ​លោក សម រង្ស៊ី​។ 

 

រហូតដល់​ថ្ងៃ​៥-​ថ្ងៃ​៦កក្កដា ឆ្នាំ​១៩៩៧ដដែល ក៏មាន​ការបំផ្ទុះ​អា​វុ​ធម្ត​ង​ទៀត ដែល​គេ អះអាងថា បង្កឡើង​ដោយ​កងទ័ព​ខាង​គណបក្ស​ហ៊្វុនស៊ិនប៉ិច និង​កងទ័ព​ខាង​គណបក្ស​ប្រជាជន​កម្ពុជា​។ របាយការណ៍​របស់​អង្គការបរទេសខ្លះ សរសេរថា មាន​យុទ្ធជន​ប្រមាណ​២០០​នាក់ បាន​ស្លាប់​ក្នុង​ព្រឹត្តិការណ៍​នោះ រួមទាំង​មន្ត្រី​យ៉ាងតិច​៦០​នាក់​របស់​សម្តេចក្រុមព្រះ នរោត្តម រណឫទ្ធិ ប្រធានគណបក្សហ៊្វុនស៊ិនប៉ិច ក៏ត្រូវ​បានសម្លាប់​ដែរ​។ 

 

ភាគីប្រឆាំង តែងរៀបចំពិធីបង្សុកូលជូនវិញ្ញាណក្ខន្ធអ្នកស្លាប់ក្នុងព្រឹត្តិការណ៍ទាំង២នេះ ជារៀងរាល់ឆ្នាំ៕