ចិន និងប្រេស៊ីល ជាដៃគូពាណិជ្ជកម្មដ៏ធំមួយ ដោយមានទំហំពាណិជ្ជកម្មប្រមាណ ១៥០,៥ ពាន់លានដុល្លារ នៅក្នុងឆ្នាំ២០២២។ ជុំវិញបញ្ហានេះ រដ្ឋាភិបាលក្រុងប៉េកាំង និងក្រុងប្រាស៊ីលីយ៉ា បានឈានដល់កិច្ចព្រមព្រៀងមួយ ដើម្បីទូទាត់ និងធ្វើពាណិជ្ជកម្មជារូបិយវត្ថុរបស់ខ្លួន ជំនួសឱ្យលុយដុល្លារ។ 

 

«ការរំពឹងនេះ នឹងជួយកាត់បន្ថយការចំណាយ...លើកតម្កើងពាណិជ្ជកម្មទ្វេភាគីឱ្យកាន់តែធំជាងមុន និងសម្រួលការវិនិយោគ»។ ទីភ្នាក់ងារលើកតម្កើងវិនិយោគ និងពាណិជ្ជកម្មប្រេស៊ីល បានបញ្ជាក់បែបនេះ នៅក្នុងសេចក្តីថ្លែងការណ៍របស់ខ្លួនចេញពីនៅថ្ងៃទី២៩ ខែមីនា។

 

កិច្ចព្រមព្រៀងនេះ ធ្វើឡើងក្រោយប្រេស៊ីល និងចិនមានកិច្ចព្រមព្រៀងបឋមមួយ បន្ទាប់ពីមានវេទិកាធុរកិច្ចប្រេស៊ីល និងចិនកម្រិតខ្ពស់នៅក្នុងក្រុងប៉េកាំង។ 

 

តាមការបញ្ជាក់របស់មន្រ្តី ធនាគារពាណិជ្ជ និងឧស្សាហកម្មចិន និង ធនាគារ Communications BBM ជាអ្នកទទួលបន្ទុកលើការទូតទាត់ប្រាក់ និងប្រតិបត្តិអន្តរការណ៍នេះ។ 

 

សូមបញ្ជាក់ថា ក្រៅពីប្រេស៊ីល ចិនក៏បានធ្វើកិច្ចព្រមព្រៀងទូទាត់ និងធ្វើពាណិជ្ជកម្មជារូបិយវត្ថុផ្ទាល់ខ្លួន ជំនួសឱ្យប្រាក់ដុល្លារជាមួយរុស្ស៊ី ប៉ាគីស្ថាន និងបណ្តាប្រទេសផ្សេងផងដែរ៕